amalinks wokungena

Breaking News

Madinda Ndlovu: Angila Nkinga Ngokuqhatshwa Kuka Bekithemba Ndlovu


Madinda Ndlovu

Inkokheli yeqembu lenguqu ele Highlanders lonyaka iphe ithuba umqeqetshi waleliqembu uMadinda Ndlovu ukuba achazele amalunga aleliqembu ngenhlelo zakhe emhlanganweni waleliqembu oqhutshwa minyaka yonke ekuqaleni komnyaka.

UMadinda usebenzise lelithuba ukuba atshele amalunga eqembu leHighlanders angene lumhlangano oqhutshwe ngeSonto edolobheni lako Bulawayo ukuba lonyaka uzasungula inhlelo ezizakwenza ukuba iqembu liziphekele abadlali balo okuyinto athi nyakenye bekungekho lula ukuba akwenze ngoba isikhathi sokwenza lokhu ebengasitholi.

Ngalokho ke uthe ukuqhatshwa kuka Bekithemba Ndlovu ukuba ngomunye wabasekeli bakhe sekuzamkhulula ukuba aqede isikhathi esikhulu elamaqembu abasakhulayo.

UBekithemba akaqhatshangwa nje ngoba izibongo zethu zifanana kodwa injongo ngeyokuthi sibe labantwana abazwisisa ukuthi iqembu lidlala njani. Yikho ke ukuba khona kuka Bekithemba sekuzakwenza mina ngithole isikhathi esokuthi ngiyeqala inhlelo kumaqembu ethu abasakhulayo, okutsho ukuba sengizaqeda isikhathi esinengi labadlali abaleminyaka elitshumi lane, abaleminyaka elitshumi lesithupha kanye labaleminyaka elitshumi lathoba minwe mbili.

UMadinda uthe eqhatshwa liqembu le Highlanders ekuqaleni kwanyakenye waphiwa umlandu owokuphendukisa isiko laleliqembu elokuzikhulisela abadlali okutsho ukuba nguye njalo okumele atsho ukuba kudlalwa njani kusukela kuqembu labasakhulayo kuze kufike kuqembu elidlala kusigaba se PSL.

UBekithemba Ndlovu nyakenye ubeqeqetsha iqembu le Bulawayo City ikanti phambilini kwalokho uke wasebenza engumsekeli ka Kelvin Kaindu ngesikhathi beqhatshwe ngamaqembu abalisa ele Highlanders, ele Triangle kanye lele How Mine.

Ngesikhathi esadlala ibhola uBekithemba udlale okwesikhathi eside kuqembu le Highlanders, wadlalela njalo leqembu lesizwe elema Warriors, ikanti uke wayadlala njalo laselizweni lase South Africa lapho adlalele khona amaqembu abalisa ele Moroka Swallows kanye lele Mpumalanga Black Aces.

Omunye umsekeli kamqeqetshi obevele esebenza lo Madinda Ndlovu nyakenye nguMandla Mpofu kusithi umqeqetshi weqembu le Bosso 90 uMelusi Sibanda laye ubephathisa kodwa inkinga yakhe yikuba akavunyelwa ukuhlala ebhentshini njengoba engela sithupha sika CAF A okumele kube yiso esiphethwe ngumqeqetshi oqeqetsha kusigaba se Premier Soccer League kwele Zimbabwe.

please wait

No media source currently available

0:00 0:02:18 0:00

Facebook Forum

XS
SM
MD
LG