amalinks wokungena

Breaking News

Madinda Ndlovu: Sokumele Badlale Okuqinileyo Abafana Bethu


Madinda Ndlovu

Umqeqetshi weqembu le Highlanders uMadinda Ndlovu uthi iqembu lakhe kumele liqale njalo ukudlala ngendlela ebukekayo.

Iqembu le Highlanders linqobe manayinayi emdlalweni walo weviki yetshumi lathoba munwe munye eliwudlale lele Herentals ngempelaviki eyedluleyo njalo umqeqetshi walo uMadinda Ndlovu uthi isifiso sakhe ngesokuthi libuyele liqale ukudlala ngendlela ebelidlala ngayo ekuqaleni kwesizini yalonyaka.

Phambilini komdlalo wangempela viki eyedluleyo iqembu le Highlanders beselinqotshwe kumidlalo emithathu ilandelana kodwa lidliwa lidlala kuhle ikanti emdlalweni walo lele Herentals kalidlalanga kuhle.

NgeSonto iqembu le Highlanders lethekelela ele Triangle enkundleni ye Gibbo njalo uNdlovu uthi isifiso sakhe kumdlalo lo ngesokuthi benqobe kodwa bedlala kuhle loba nje iqembu le Triangle lidlala kuhle kulezinsuku.

Imidlalo ye Castle Lager Premier Soccer League yona iqala ngoMgqibelo njalo amaqembu azadlala ngokulandelayo.

Iqembu le Nichrut lizadibana lele Shabanie Mine ngase Ascot, ele Harare City lizadibana lele Chapungu ngase Rufaro, iqembu le Bulawayo Chiefs lizangqikilana lele Bulawayo City enkundleni yeLuveve, iqembu le FC Platinum lizadlala lele CAPS United enkundleni yeMandava kuthi ele Black Rhinos lizadlala lele Yadah ngase National Sports Stadium.

Kweminye imidlalo yangeSonto iqembu le Dynamos lizadlala lele Ngezi Platinum Stars ngase Rufaro , iqembu le Herentals lizadibana lele ZPC Kariba kuthi ele Mutare City Rovers lizangqikilana lele Chicken Inn ngase Vengere.

Facebook Forum

XS
SM
MD
LG