amalinks wokungena

Breaking News

UMutharika Obengumongameli Wakwele Malawi Usevumile Ukuthi Unqotshiwe Kukheto Lukamongameli


Obengumongameli wakwele Malawi, uMnu. Peter Mutharika, ngesikhathi enkankasela ukuvotelwa nguzulu eLilongwe. (Photo by AMOS GUMULIRA / AFP)

Obengumongameli kwele Malawi, uMnu. Peter Mutharika, kubikwa ukuthi usevumile ukuthi unqotshwe nguMnu. Lazarus Chakwera, owebandla leMalawi Congress Party (MCP), kukhetho lukamongameli olusanda kwenziwa kulelolizwe.

Isiphathamandla sohlangothi olubona ngezokhetho kwele Malawi, uNkosikazi Janet Dambula, uthi uMutharika, obencintisa ekubandla leDemocratic Progressive Party (DPP), kukhanya esesukile endlini okumele kuhlale umongameli.

Uthi uChakwera, obebambisana lamabandla angamatshumi aphikisayo, kukhanya ethole amavoti ayisilinganiso esedlula amatshumi ayisithupha ekhulwini– 61.26% kwathi-ke uMutharika wathola amavoti ayisilinganiso esifika phose amatshumi amane ekhulwini – 38.1%. Omunye obencintisa kukhetho lolu, olwenziwe kulandela isinqumo somthethwandaba esokuthi kalwenziwanga ngemfaneli ngomnyaka ophelileyo, ukhe phansi.

UNkosikazi Dambula uthi kukhangelelwe ukuthi ikhomishini ebona ngezokhetho eyeMalawi Electoral Commission izakwethula impumela yokhetho lolu ngoMgqibelo.

Uphinde wathi kungamanga ukuthi uMutharika ufuna ukwala impumela yokhetho lolu ngenxa yodlakela oluqhamuke kwenzinye indawo zelizwe lapho okulabasekeli bakhe abatshaywe kabuhlungu ngabasekela uChakwera.

“Okwamanje usevumile ukuthi unqotshiwe kukhetho lolu.”

Facebook Forum

XS
SM
MD
LG