amalinks wokungena

Breaking News

Ibandla Elibusayo eMalawi Elibhuqwa Kukhetho Lithi Lilakho Ukwala Impumela Yokhetho


Bavote ngoLwesibili kwele Malawi.

Ibandla leDemocratic Progressive Party (DPP) elikhokhelwa nguMnu. Peter Mutharika, obengumongameli wakwele Malawi, lithi lilakho ukwala impumela yokhetho olwenziwe ngoLwesibili ngenxa yokuthi abalandeli balo batshaywe kabuhlungu endaweni ezitshiyeneyo ngabasekeli baka Mnu. Lazarus Chakwera, okumanyano wamabandla aphikisayo.

Ibandla leli lethule lokhu ngesikhathi uhlangothi olubona ngezokhetho eyeMalawi Electoral Commission luqhubekela phambili ngokubala amavoti aveza ukuba uChakwera uyakhokhela.

Isikhulumeli seDPP, uMnu. Nicholas Dausi, uthi kubelobudlwangudlwangu obethusayo kwenzinye indawo obenziwe ngabalandeli bebandla lika Chikwera eleMalawi Congress Party, elake lakhokhelwa ngowabangumongameli wakuqala kwele Malawi, umuyi uHastings Kamuzu Ngwazi Banda, owasuswa esikhundleni nguzulu ekhala ngokuthi wayenguntando kayiphikiswa.

Umgcinisihlalo weMalawi Electoral Commission, uDokotela Justice Chifundo Kachale, utshele umsakazo weVoice of America ukuthi bazakwethula impumela yokhetho lolu bangalungisa okukhathaza amabandla wonke.

UKachale uthe sebethole impumela yokhetho endaweni ezinengi kwele Malawi kodwa kabakaqedi ukubala amavoti.

Umthethwandaba wathi kumele kwenziwe ukhetho olutsha kwele Malawi kulandela ukutshaphazwa kokhetho olwenziwa ngabohlangothi lwezokhetho nyakenye. UMutharika wanqoba kukhetho lolu.

Osokuvezwe ngamaphephandaba lemisakazo eMalawi okwamanje kukhomba ukuba uChakwera uyakhokhela kukhetho lolu endaweni ezinengi.

Facebook Forum

XS
SM
MD
LG