UMnu. Lazarus Chikwera webandla eliphikisayo eleMalawi Congress Party (MCP), onqobe obengumongameli wakwele Malawi, uMnu. Peter Mutharika, kukhetho lukamongameli olwenziwe ngoLwesibili, usegcotshwe ukuthatha isikhundla lesi.
UChikwera ugcothwe ngeSonto ngesikhathi abantu abanengi besemigwaqweni bethakazelela ukunqoba kwakhe.
Kubikwa ukuthi uMutharika ukhonona ngokuthi kulabanye abalandeli bakhe abatshaywe kabuhlungu ngabasekela uChakwera ngoLwesibili endaweni ezitshiyeneyo abantu bevota.
Kodwa akucaci ukuthi uMutharika uzakwenzani ngodaba lolu.
IMalawi Electoral Commission ithi uChakwera uvotelwe ngabantu abafika 2.6 million kwathi uMutharika wavotelwa ngabantu ababedlula isigidi lengxenye – 1.7 million.
UChakwera, owayekhokhela amakholwa kubandla le Malawi Assemblies of God, ukhangelelwe ukuthi uzagcotshwa ukuba ngumongameli welizwe leli namuhla. Umsekeli wakhe nguMnu. Saulos Chilima, owayengumsekeli kaMutharika.
UMongameli Emmerson Mnangagwa uthakazelele ukugcotshwa kuka Chakwera esithi kuyabukeka akwenzileyo. UMnangagwa wethule lokhu ebulenjini bokuxhuma obeTwitter.