Inkantolo kwele Malawi ithi uMongameli Peter Mutharika kakhethwanga ngemfanelo kukhetho olwenziwa nyakenye.
IReuters ibika ukuthi iConstitutional Court yethule isinqumo lesi ngoMvulo kulandela ukuphanyekwa kodaba lolu enkantolo le nguMnu. Lazarus Chakwera loMnu. Saulos Chilima abancintisa kukhetho lolu banqotshwa nguMutharika.
Ikhomishini ebona ngokhetho kwele Malawi yathi uMutharika nguye owanqoba kukhetho lolu lobanje uChakwera, uChilima labanye babekhonona ngendlela ukhetho lolu olwaqhutshwa ngayo.
Inkantolo ithi ukhetho lolu lwaqhutshwa ngendlela engaqondanga ngakho-ke kumele lwenziwa phakathi kwensuku ezilikhulu lamatshumi amahlanu.
Isethula isinqumo lesi, inkantolo ithe kusobala ukuthi ikhomishini le yenza ubutshapha obumangalisayo ekuqhubeni ukhetho lolu
Abaphikisa uhulumende batshengisela emigwaqweni okwenyanga ezimbalwa bekhonona ngempumela yokhetho lolu..