amalinks wokungena

Breaking News

URamaphosa Uchothoza Amasotsha Ahluthune Intambo Zombuso eMali


Okwenzakala kwele Mali ...
Okwenzakala kwele Mali ...

UMongameli wakwele South Africa, uMnu. Cyril Ramaphosa, uthi amasotsha akwele Mali enze okungekho emthethweni kulandela ukuhluthuna umbuso lokubopha obengumongameli, uMnu. Ibrahim Baoubacar Keita lobengumsekeli wakhe.

URamaphosa, ongumgcinisihlalo wenhlanganiso yeAfrican Union, uthi amasotsha ahluthune intambo zombuso kumele akhulule uKeita loMnu. Boubou Cisse, obengumkhokheli welizwe.

Kulenhlanganiso ezinengi emhlabeni wonke jikelele ezichothoza okwenziwe ngamasotsha la athi kuzakwenziwa ukhetho kulelolizwe esikhathini esifitshane esilandelayo.

Abantu baqala ukutshengisela emigwaqweni kwele Mali ngoNhlangula bekhonona ngokugugudeka komnotho.

Kulabadabuka eZimbabwe abathi okwenzakale kwele Mali kubakhumbuza ukususwa kowayengumongameli umuyi uRobert Mugabe.

Ingcwethi kwezombangazwe, uMnu. George Mkhwananzi, uthi amasotsha akumelanga engenele kwezombangazwe.

XS
SM
MD
LG