amalinks wokungena

Breaking News

Mandela Washington Fellowship: UThubelihle Moyo Ukhuthaza Ukusetshenziswa kweSolar


UMnu Thubelihle Moyo ungomunye wabasakhulayo beZimbabwe abakuhlelo lweMandela Washington Fellowship lonyaka.
UMnu Thubelihle Moyo ungomunye wabasakhulayo beZimbabwe abakuhlelo lweMandela Washington Fellowship lonyaka.

Sokuleminyaka edlula elitshumi eleZimbabwe libhekane lokusilela kwamagetsi, osokubangele ukuthi amankampani amanengi avalwe njalo izigidi zilahlekelwe yimisebenzi.

Uhulumende ukhanya esehluleka ukulungisisa loluhlupho. Ezinye ingcwethi ekusetshenzisweni kwamandla esolar zithi imbangela emqoka yikungazimiseli kukahulumende kanye lokubhidlika komnotho.

Enye yengcwethi lezi, uMnu Thubelihle Moyo, uthi eleZimbabwe lilakho ukuqeda udubo lolu kuphela nxa uhulumende engaqakathekisa amandla esolar.

please wait

No media source currently available

0:00 0:02:09 0:00
Lapho esitholakala khona

“Udubo ebesilalo ngolokuthi uhulumende ubekhanya engelakho ukuzimisela ukwamukela ukusetshziswa kwesolar labo bio gas,” kutsho uMnu Moyo.

“Kodwa kukhanya sokusiba lenguquko ngoba ugatsha olubona ngezamagetsi solusungule uhlelo oluqakathekisa amandla esolar olweRenewable Energy and Independent Power Policy.”

UMoyo wengeze wathi uzulu weZimbabwe sesebenzisa isolar ngobunengi lanxa nje uhulumende ekhanya esalela muva.

UMoyo ungomunye wabasakhulayo beZimbabwe abangene kuhlelo lweMandela Washington Fellowship abazakuya eMelika ngenyanga ezayo ukuyaqhuba izifundo eziphathelane lobukhokheli kanye lamabhizimusi.

Uthi uyathokoza kakhulu ngethuba leli.

“Ukubuya kwami eMelika kuzangipha ithuba lokuthi ngihlangane labanye abantu abatsha abavela eAfrica sichathekelane ulwazi ngokuthi bona benzani,” kuchasise uMoyo.

“Ngizafunda njalo ukuthi singathuthukisa njani amabhizimusi ethu aweRenewable Energy khonapha ukuze abantu beZimbabwe labo bathole amandla kagetsi.”

UMoyo seleminyaka eyisitshiyagalombili esebenza kwezamagetsi njalo usebenzela amankampani amabili; ethiwa G-Xila Consulting lenye ethiwa Solartech Africa.

Phansi kweMandela Washington Fellowship, uMnu Moyo uzaqhuba izifundo eziphathelane lezamabhizimusi ekolitshini leRutgers University edolobheni leNew Jersey.

XS
SM
MD
LG