amalinks wokungena

Breaking News

Mandela Washington Fellowship: Uyathokoza Ngethuba Leli uFaith Ndlovu


Faith Ndlovu
Faith Ndlovu

Lanxa ukuhlukuluzwa kwentathelizindaba eZimbabwe sokunganeno, kunengi okusamele kwenziwe ukuze intatheli zenelise ukusebenza zikhululekile ngokugcweleyo.

Lo ngumbono wengcwethi kwezokwethulwa kwemibiko uNkosazana Faith Ndlovu, ongomunye wabasakhulayo beZimbabwe abakuhlelo lweMandela Washington Fellowship.

UMaNdlovu, yena osebenzela inhlanganiso yeVoluntary Media Council of Zimbabwe, uthi isisekelo sombuso esitsha sikubeka sobala ukuthi umsebenzi wentathelizindaba kumele uhlonitshwe, zivunyelwe ukusebenza zikhululekile.

Kodwa uthi zisakhona ingxaki eziphazamisa intatheli ezifana lokungenela kwabezombusazwe emsebenzini wokwethulwa kwezindaba.

“Yebo isiminenganyana imisakazo, kodwa kukhona okuhluphayo okufana lokungenela kwabezombusazwe ekwethulweni kwezindaba,” kutsho uNkosazana Ndlovu.

“Intathelizindaba lazo kunengi okumele zikwenze ukuze ziqhube umsebenzi ngendlela esuthisayo njalo zilandela lokhu okuthiwa ngama-ethics ngesikhiwa.”

Inhlanganiso yeVoluntary Media council of Zimbabwe ikhankasela ukuthi intatheli ziziqondisele umsebenzi wazo kungela kungenela kukahulumende.

please wait

No media source currently available

0:00 0:02:08 0:00
Lapho esitholakala khona

UMaNdlovu, onguPrograms Officer walinhlanganiso, uthi uyajabula ngokuba kuhlelo lweMandela Washington Fellowship.

“Leli lithuba lokuthi ngidlelane labanye abakhokheli abasakhulayo bakwamanye amazwe... ngizwisise ukuthi kuyini okuhluphayo emazweni abo njalo lokuthi bakulungisisa njani,” kutsho uMaNdlovu.

UNkosazana Ndlovu uzakuya eMelika labanye abasakhulayo beZimbabwe phose abangamatshumi ayisithupha ukuyaqhuba izifundo zobukhokheli lezamabhizimusi okwenyanga lengxenye.

Uzaqhubela izifundo zakhe ekolitshini leUniversity of Illinois.

XS
SM
MD
LG