amalinks wokungena

Breaking News

UMarry Chiwenga Wetheswa Icala Lokuzama Ukulungisa Amaphepha Omtshado Umkakhe Esesibangeni Sokufa


FILE: URetired General Constantino Chiwenga lomkakhe uNkosikazi Marry Chiwenga, Aug. 26, 2018, in Harare.
FILE: URetired General Constantino Chiwenga lomkakhe uNkosikazi Marry Chiwenga, Aug. 26, 2018, in Harare.

Ikhomishini yeZimbabwe Anti-Corruption Commission ithi uzamiswa emthethwandaba kusasa uNkosikazi Marry Chiwenga, umkamsekeli kamongameli welizwe leZimbabwe obotshelwe amacala okuzama ukulungisa amaphepha omtshado okungekho emthethweni lokufihla imali enengi phandle kwelizwe.

UMnu. John Makamure okukhomishini le utshele umsakazo weStudio 7 ukuthi uNkosikazi Chiwenga uvalelwe enkampeni yamapholisa eHarare.

UMakamure uthi kucatshangelwa ukuthi wazama ukulungisa amaphepha omtshado esebona ukuthi umkakhe wayesebonakala njengomuntu owayeselodokoza esesibhedlela kwele South Africa engakathwalelwa kwele China lapho alaliswa khona esibhedlela okwenyanga ezinhlanu.

Uvuke kwatshu waphenduka kwele Zimbabwe ngoLwezi esevele efuna ukwehlukana lomkakhe okukhanya ukuthi wayefuna imali kanye lempahla yomsekeli kamongameli nxa esefile.

Kasenelisanga ukuxoxa ngodaba lolu legqwetha lika Nkosikazi Marry Chiwenga olabantwana ababili loRetired General Constantino Chiwenga.

Ingxoxo Esiyenze LoMnu. John Makamure
please wait

No media source currently available

0:00 0:01:20 0:00


XS
SM
MD
LG