Ikhosikazi lomsekeli kamongameli, uNkosazana Mary Mubaiwa, ngoLwesine ubesemthethwandaba eHarare esithi ucele ukunikwa ipassport yakhe ebanjwe yinkantolo kusathoniswa icala lakhe lokuthi wayefuna ukubulala umkakhe.
UNkosazana Mubaiwa uthi ufisa ukuyakwelatshwa umkhuhlane omthwalise nzima kulandela ukudubuka kwebhomba koBulawayo kulungiselelwa ukhetho ngomyaka ka2018.
Igqwetha lakhe, uNkosikazi Beatrice Mtetwa, uthi uNkosazana Mubaiwa kumele elatshwa ukuvuvuka lokusubuka kwakhe izandla okuqhubekela phambili.
Uthi engelatshwa kwele South Africa. Umantshi uMnu. Benjamin Chikowero uthi uzahlolisisa udaba lolu engakethuli isinqumo sakhe.
Umtshutshusi uNkosazana Sharon Fero uthi uNkosazana Mubaiwa ulakho ukubaleka eZimbabwe engavunyelwa ukuya kwele South Africa njengoba elezindlu kulelolizwe.
UChiwenga okwamanje uyelatshwa umkhuhlane ongavezwanga kwele China lapho ahlala khona inyanga eziyisithupha engakabuyeli eZimbabwe.
Ulensukwana ebuyele kulelolizwe.