amalinks wokungena

Breaking News

EleBotswana Lithi Lizazilela Umuyi uKenneth Kaunda Okwensuku Eziyisikhombisa


Umuyi uKenneth Kaunda,
Umuyi uKenneth Kaunda,

UMongameli Mokgweetsi Masisi wakwele Botswana uthi kuzabalamanga ayisikhombisa esililo sikamuyi uKenneth Kaunda.

UMasisi uthi akulahlekelwanga eleZambia kuphela ngokubhubha kuka Kaunda. Uthi umhlubulo wonke wangezansi wezwekazi leAfrica ulahlekelwe ngumntwana wenhlabathi owaphathisa amazwe amanengi ukuthola uzibuse.

UMasisi uthi njengenhlonipho, eleBotswana lizakuba lamalanga ayisikhombisa lisesililweni sikaKaunda. Isikhulumi somanyano wamabandla aphikisayo kwele Botswana, iUmbrella for Democratic Change, uMnu. Moeti Mohwasa, uthi kabasoke bakhohlwe indima eyadlalwa nguKaunda, ikakhulu ekulwiseni umbuso wobandlululo wabamhlophe.

“Ukubhubha kuka KK, njengoba uKaunda wayesaziwa, kutsho ukuphela kwesinye isigaba.Walwa lobandlululo eZambia, njalo waqhubeka walwelwa inkululeko yamanye amazwe afana leZimbabwe kanye leSouth Africa.”

Abadabuka eZimbabwe abahlala kwele Botswana, abakhula ngesikhathi kutshisa impi zenkululeko emazweni amanengi ezansi yezwekazi leAfrica, bathi uKaunda wabalesandla ekuqedeni umbuso wabamhlophe wobandlululo.

UMnu. Stanley Ncube uthi uKaunda waphathisa kakhulu lekumanyaniseni izwekazi leAfrica.

“Ngesikhathi beqalisa ukubumba iOAU (Organisation for African Unity) elabanye abafana laboNkwame Nkrumah, Julius Nyerere Hastings Banda, balwela inkuleleko yeAfrica jikelele. Njalo simkhumbula ngokwamukela ubaba uJoshua Nkomo le iZAPU ukuthi befake amahofisi abo eZambia.”

UMnu. Cephas Tshuma uthi kunengi okungafundwa yinkokheli yakhathesi kumpilo kaKaunda.

“Uyabona ukuthi abadala laba babelombono omude. Khathesi oyathola ukuthi khonokho ababekulwela, yikho futhi asebekubuyisela emuva. Izinto ezazilwelwa ngoKaunda kanye laboMandela.”

EleBotswana Likhala leleZambia Kulandela Ukubhubha Kuka Kaunda
please wait

No media source currently available

0:00 0:02:31 0:00


Iwofisi yenhlanganiso yeSouthern African Development Community kwele Botswana ikhiphe umbiko isithi selikhotheme iqhawe elaphathisa kakhulu ekubunjweni kwenhlanganiso le. UKaunda wayelesandla esikhulu ekubunjweni njalo kweyinye inhlanganiso eyayi lwisana lobandlululo, eyeFrontline States ngomnyaka ka1975 kanye leOrganization of African Unity kumbe iOAU.

XS
SM
MD
LG