WASHINGTON DC —
Ibandla leMDC Alliance lithi amapholisa asebenza leZanu PF kundaba zokumemethekisa udlakela oluqondiswe kumkhokheli walo uMnu Nelson Chamisa labasekeli bakhe.
Lelibandla lethule i-video enkundleni yeTwitter ngoMgqibelo eveza amapholisa elapho okulabasekeli beZanu PF ababikwa bahlasela uChamisa eManicaland.
Lelibandla lithi lobu yibufakazi obukhomba sobala ukuthi amapholisa asetshenziswa yiZanu PF.
Lelibandla lithi abasekeli bebandla elibusayo laba badubula imota kaChamisa bezama ukumbulala eMutare.
Sixhume isikhulumeli samapholisa uMnu Paul Nyathi ngodaba lokuthi basetshenziswa yiZanu PF kodwa uthe ubengenelisi ukukhuluma ngoba ubephakathi kohambo.