amalinks wokungena

Breaking News

MDC Alliance: Kubotshwa Thina Kuphela Kodwa Abanye Abephula Imigoqo yeCovid-19 Ababotshwa


Zimbabwe Opposition Gathering

Ibandla leMDC Alliance selethese uhulumende umlandu wokulandela imigoqo yeCovid-19 ngobandlululo kulandela imibuthano eyenzwe koBulawayo ngempelasonto kungela ngitsho loyedwa obotshiweyo.

Ozithi ungumfundisi uMnu Passion Java ubelandelwa ngabasakhulayo abanengi kulelidolobho ngoMgqibelo kodwa abazange baphanjaniswe ngamapholisa.

Kube njalo lombuthano wenhlanganiso yeAfirmative Action Group (AAG) obulabantu abedlula inani labavunyelwa ngumthetho phansi kwemigoqo yeCovid-19.

Kucele lebandla leMDC Alliance abanengi bababotshwayo bayabe besetheswa icala lokwephula limigoqo.

Abanye babo ngumeli weHarare West edale phalamende uNkosazana Joanna Mamombe loNkosazana Cecilia Chimbiri, bona asebelenyanga ezimbili bevalelwe eChikurubi Maximum Prison.

Le yinto esolwe kakhulu yisikhulumeli seMDC Alliance koBulawayo, uMnu Swithern Chirowodza.

Imizamo yokukhuluma lamapholisa yehlule. Kodwa ibandla leZanu PF lihlala lilandula ukuthi lisebenzisa amapholisa ukufeza injongo zalo.

please wait

No media source currently available

0:00 0:03:26 0:00

Facebook Forum

XS
SM
MD
LG