amalinks wokungena

Breaking News

MDC Alliance: Kulezikliwi Ezidubule Umbhobho Zazama Ukubulala uChamisa eMutare


Nelson Chamisa

Ibandla leMDC Alliance lithi kulabantu abadubule imbhobho bezama ukubulala umkhokheli walo uMnu Nelson Chamisa esemoteni eMutare ngoLwesibili.

Udlakela lolu lulandela oluqhamuke eMasvingo ngeviki edluleyo lapho uChamisa labasekeli bakhe abathi bahlaselwa khona ngamalunga ebandla leZanu PF.

UChamisa ubeseMutare ukuyahlangana labasekeli bebandla lakhe ekhankasela ukhetho luka2023. Ibandla lakhe lithi imota kaMnu Chamisa ilimele kakubi.

"Kulezikliwi ezihlomileyo ezizame ukubulala umholi wethu uMnu Nelson Chamisa," kutsho ibandla leMDC Alliance liloba enkundleni yeTwitter.

"Izikliwi lezi zijikijele imota kaChamisa ngamatshe zayilimaza. Sikhuluma nje kulezimota ezilitshumi lambili ezingaziwayo ezilokhe zimlandela uChamisa."

Amazwi la agcizelelwe ngumsekeli wesikhulumeli salelibandla uMnu Felix Magalela Mafa Sibanda yena osole kakhulu loludlakela esithi bafuna ukuthula elizweni phambilini kokhetho.

please wait

No media source currently available

0:00 0:01:15 0:00

Umsakazo weStudio 7 wehlulekile ukuxhumana lesikhulumeli samapholisa uMnu Paul Nyathi phezu kwaloludlakela ngoba ubengadobhi ucingo lwakhe.

Ibandla leZanu PF lona liyakulandula ukuthi yilo eliphehla loludlame lisithi ludalwa yiMDC Alliance ngabomu ngoba izama ukungcolisa uhulumende kusithunywa seUnited Nations esiseZimbabwe khathesi esilande ukuzehloma umthelela wezijeziso zenotho ezetheswa amalunga eZanu PF ngamazwe afana leMelika leBhilithani.

Facebook Forum

XS
SM
MD
LG