amalinks wokungena

Breaking News

MDC Alliance: Sesilobele iUN Sikhonona Ngokuziphatha Kwesithunywa Sayo


Antonio Guterres

Ibandla leMDC Alliance lithi selilobele iUnited Nations incwadi likhonona ngokuthi isithunywa salumanyano uNkosazana Alena Douhan uqhube uphenyo lwakhe phezu kodaba lwezijeziso zenotho ezetheswa amalunga eZanu PF eyamele kuhlangothi lukahulumende.

UDouhan wethule impumela yophenyo lolu ngoLwesine ekhuthaza eleMelika leleBhilithani ukuthi esule izijeziso zawo ngoba ziphazamisa uzulu makhaza.

Kodwa umsekeli kamkhokheli weMDC Alliance uMnu Tendai Biti utshele intathelizindaba ngoLwesihlanu ukuthi uDouhan waveza sobala ukuthi weyamele kuhlangothi lukahulumende weZanu PF emhlanganweni abawenze laye ngoLwesithathu ngoba wayedaza inkani njalo engabavumeli ukwethula imbono yabo bekhululekile.

Ngokunjalo, uBiti uthi uDouhan kafakanga imbono yabo mayelana kugwalo lwempumela yophenyo lwakhe.

Wengeze wathi iMDC Alliance ayivumelani lokumunyethwe lugwalo lolu, okugoqela udaba lokuthi izijeziso zenza ukuthi kube lenkohlakalo elizweni kanye lokuthi zidala ukuthi iZimbabwe yehluleke ukuboleka imali emabhanga omhlaba.

UBiti uthe iqiniso ngelokuthi iZimbabwe ayenelisi ukuboleka imali ngoba ayibhadali izikwelede zayo, okungamazwi agcizelelwe yingcwethi kwezombusazwe uMnu Effie Dlela Ncube.

please wait

No media source currently available

0:00 0:02:13 0:00

Kusenjalo, eleMelika ngoLwesihlanu likulandule ukuthi izijeziso elazethesa amalunga eZanu PF yiwo abulala umnotho.

Umeli weMelika kuUnited Nations uNkosikazi Linda Thomas Greenfield utshele intathelizindaba ukuthi ukungabuswa kuhle kwelizwe leZimbabwe yikho okubulala umnotho, hatshi izijeziso lezi.

Kodwa isikhulumeli seZanu PF uMnu Mike Bimha utshele iStudio 7 ukuthi njengokutsho kukaDouhan, izijeziso lezi zilimaza uzulu.

Facebook Forum

XS
SM
MD
LG