amalinks wokungena

Breaking News

MDC Alliance: Sikhathazekile Ngendlala Ebhekane Labantu Ngekhefu


AbeMDC Alliance bapha isipho sokudla kwabeGwanda

Abebandla leMDC Alliance, banikeze ukudla kubalandeli babo abaswelayo ikakhulu abakhubazekileyo lasebekhulile abayizakhamizi zaseGwanda.

Ekhuluma emele umkhokheli weMDC Alliance uMnu Nelson Chamisa, uSenator Siphiwe Ncube uthe ibandla lakhe likhathazekile ngendlala ehlasele uzulu elizweni esidale ukuthi inengi lingajabuleli kuhle ikhefu lekhisimusi lelokwamukela umnyaka omutsha.

“Sigcwalisa isifiso sikaPresident sokuthi ngabe abantu badle ikhisimusi kodwa abasayidlanga ikhisimusi sebezakudla iNew Year, siyakubonga ukuthi akhumbule abantu - abantu abaphila kulonaleli ilizwe elinzima kangaka ukuthi nxa kudliwa kudle wonke umuntu kungadli abanye abantu abanye besale belambile.”

UNkosikazi Jane Dewa odabuka kuWard 14 eGwanda South uveze injabulo enkulu ngesipho asitholileyo.

“Ngibonga isipho engisphiwe nguPresident wami uNelson Chamisa ngisthi Mukomana Ngaa Pinde njalo ngithabe kakahulu ngesipho esinje siyake siwabona amahamper kodwa asizake siwabone enje.”

Okugcizelelwe nguMnu Msindiswa Mpofu okaVillage 3 eNyandeni eGwanda North.

“Mina ngisithabele isipho lesi angikwazi ukuthi singambonga njani siyathemba ukuthi laye abelempilo ende aqhubeke azizwe elomlandu yokuthi abntu siyakhala sifisa ukuthi ngabe nguye ophambili osikhokheleyo.”

UMnu Jastone Mazhale olilunga leNational Executive eyeMDC

Alliance uthi banengi abantu ababhekane lendlala.

“Khonokho okulutshwane bobalaba abalutshwane abakhethiweyo bamela bonke abasemumweni ofana layonalowo so yiyo ikhisimusi esithi sizolipha yona lamhlanje.”

Abakhubazekileyo kanye lezalukazi lamakhehla baseGwanda, abangaba ngamatshumi amathathu baphiwe ukudla okugoqela irayisi, itshukela, amafutha okuphekisa, ifulawa kanye lendumba.

Ukungamanga kuhle komnotho weZimbabwe kanye lokuqhamuka kwegciwane leCoronavirus kudale ukuthi ibeduma ikhisimusi yalonyaka.

Udaba lokwabelwa kwabeGwanda ukudla ngabeMDC siluphiwa nguAlbert Ncube
please wait

No media source currently available

0:00 0:02:14 0:00

Facebook Forum

XS
SM
MD
LG