amalinks wokungena

Breaking News

MDC Alliance: Sizatshengisela Emigwaqweni Sisola Okwenziwa yiZEC Ezama Ukuphekapheka Ukhetho Oluzayo


UMnu. Nelson Chamisa, umkhokheli weMDC Alliance.

Amalunga omanyano weMovement for Democratic Change (MDC) Alliance akhangelelwe ukuthi azatshengisela emigwaqweni ngeviki ezayo ekhonona ngokwenziwa yiZimbabwe Electoral Commission abathi iyala ukubavezela ugwalo lwe voters’ roll olulamabizo aqondileyo abantu abazavota kukhetho oluzayo.

Umanyano lo uthi bazondiswe njalo yikuthi iZEC iyala ukubavezela indlela okudindwa ngayo amaphepha okuvota ama ballot papers.

IMDC Alliance ithi isizame ngamandla wonke ukukhulumisana leZEC kanye loMongameli Emmerson Mnangagwa ngodaba lolu.

Ngakho-ke ithi isifisa lokuthi umanyano weSouthern African Development Community lowe African Union bangenele ukwenzela ukuthi kuqhutshwe ukhetho olubalulekileyo eZimbabwe ekupheleni kuka Ntulikazi.

uDokotela Nkululeko Sibanda, isikhulumeli somkhokheli weMDC Alliance uMnu. Nelson Chamisa, uthi kubi kakhulu okwenziwa nguhulumende kaMnangagwa leZEC.

Ingxoxo Eziyenze LoDokotela Nkululeko Sibanda
please wait

No media source currently available

0:00 0:04:27 0:00

Kasenelisanga ukukhulumisana ngodaba lolu lomgcinisihlalo weZEC, uNkosikazi Priscilla Chigumba, leziphathamandla zikahulumende.

Ingcwethi kwezombusazwe, uNkosikazi Priscilla Ndlovu, uthi kumele uhulumende kaMnangagwa alungise okuhlupha umanyano weMDC Alliance.

Ingxoxo Esiyenze LoNkosikazi Priscilla Ndlovu
please wait

No media source currently available

0:00 0:03:00 0:00

Facebook Forum

XS
SM
MD
LG