amalinks wokungena

Breaking News

Umanyano weMDC Alliance Ufuna Ukwenza Umhlangano Ngezokhetho loPriscilla Chiguma weZEC


MDC Alliance

Umanyano weMDC Alliance usulobelele umnginisihlalo weZimbabwe Electoral Commission, uNkosikazi Priscilla Chigumba, umazisa ukuthi kalulungiselelwa ngemfanelo ukhetho oluzayo.

UMnu. Jameson Timba, omele uMnu. Nelson Chamisa ozancintisa kukhetho lukamongameli emele umanyano lo, uthi bafisa ukukhulumisana loNkosikazi Chigumba ngesimo samaphepha okuvota, ama ballot papers, ukudindwa kwamaphepha la lokubonisana ngokugcinwa kwama ballot papers.

UTimba uthi bafuna njalo ukuthola ugwalo lwabantu abazavota olwe voters’ roll olupheleleyo.

Uthi sebeyehlulekile ukuthola ugwalo lolu okumele lunikezwe abantincisayo njengalokho okumunyethwe yisisekelo sombuso welizwe.

Uthi uChamisa ubona engani kuzabanzima ukuthi aphatheke kukhetho lolu nxa iZEC ingaqhubekela phambili ingabonakali ukuthi yenzani ngokhetho oluzakwenziwa ekupheleni kuka Ntulikazi.

Asenelisanga ukukhuluma ngodaba lolu leziphathamandla zekhomishini yeZEC.

Facebook Forum

XS
SM
MD
LG