Ibandla eleMDC Alliance lithi ukutshaywa kwabasekeli balo ngabantu abacatshangelwa ukuthi ngabeZanu PF eMasvingo izolo kuveza sobala ukuthi ibandla elibusayo liqoqa ukusebenzisa udlakela kukhetho oluzayo.
Ibandla leli lithi abasekeli beZanu PF batshaye babulala amafasitela ezimota zalo njalo balimaza abantu ekade bekuqula ebelethekelele eMasvingo lomkhokheli walo uMnu Nelson Chamisa.
Lithi njalo abalimeleyo bahanjiswe ezibhedlela ukuyakwelatshwa. Kodwa umsekeli wesikhulumeli salelibandla uMnu Felix Magalela Mafa Sibanda utshele iStudio 7 ukuthi uChamisa kalimalanga.
AbeZanu PF bona bayakulandula ukuthi yibo abadale loludlakela.
Okhulumela uhulumende uMnu Nick Mangwana uthe abeMDC Alliance yibo abenze loludlame ngoba bejonge ukungcolisa ilizwe phambilini kohambo lwesithunywa seUnited Nations esilanda ukuzehlola umthelela wezijeziso ezetheswa amalunga eZanu PF ngamazwe afana leMelika leBhilithani.
Lokho kugcizelelwe ngobona ngokwethulwa kwemibiko kuZanu PF uMnu Tafadzwa Mugwadi.