amalinks wokungena

Breaking News

Kwethulwa Ugwalo lweManifesto yeMDC-T Ekhokhelwa nguMaKhupe


Unkosazana Thokozani Khupe

Ugwalo olulezithembiso zalelibandla olweManifesto lwethulwe phansi kwendikimba ethi Building an Economy to Support Transformation (BEST).

Ibandla le MDC T elikhokhelwa nguNkosikazi Thokozani Khuphe lamuhla liphawule ugwalo olulezithembiso zalo olweManifesto phansi kwendikimba ethi Building an Economy to Support Transformation (BEST). Umkhosi lo wenzelwe koBulawayo lapho inkulungwane zabalandeli balelibandla abakade bebuthene khona.

Owethule lezi izithembiso ngumsekeli kanobhala jikelele uMnumzana Samukele Hadebe. UMnu. Hadebe uthe okuqakathekileyo ngogwalo lolu yikuguqula impilo zabantu njalo lokhu kuzafezeka kungavuselelwa ezomnotho.

Uthe nxa sekuvuselelwe ezomnotho ibandla lel lizalungisisa ukuthi ezemfundo zithuthukiswe labantu abasemajele bathole amathuba okuvota.

Abasakhulayo bemukele ngenjabulo isithembiso sokuthi bazathola imali yokuzithuthukisa njengoba inengi labo lingasebenzi.

Omunye wabasakhulayo uMnumzana Alfred Dzirutwe uthi umbiko lo umnike ithemba.

Ukhansila Shilla Musonda uthi ujabulele ukwethulwa kwezithembiso lezi ngoba sekuzakwenza bathole amandla okuqhuba imisebenzi yabo lula njengabokhansila.

UNkosikazi Thamani Moyo uthi ugwalo lolu lubavumela ukuthi njengabesifazana bathole amathuba alingana lawabesilisa kwezobukhokheli.

Okunye okuthenjiswe libandla le MDC T yikuvuselela ukusebenza kwezitimela, ukuvuselela lokuqondisa ezokwenjiwa kwegolide lokunye, intuthuko emaphandleni, ukuthi uzulu ofuna izindlu enelise ukuzithola, kanye lenhlelo zokuvikela ingozi emigwaqweni.

UNkosazana Khuphe uthe kufanele uzulu avotele ibandla lakhe leMDC-Tukuze zonke izithembiso ezikulolugwalo zifezeke njalo impilo yabantu iguquke.

Uphawu lwebandla leMDC T lalo lutshintshiwe ngoba seluyisandla esivuliweyo kulomntwana phakathi kwempama kuthi iminwe yonke iqondile.

please wait

No media source currently available

0:00 0:05:54 0:00


Facebook Forum

XS
SM
MD
LG