amalinks wokungena

Breaking News

'Kumele iMDC-T Ibophe Ziqine Kukhetho Oluzayo'


Umkhokheli webandla leMovement for Democratic Change (MDC-T) uMnu. Morgan Tsvangirai loMongameli Robert Mugabe(AP Photos/Collage by Ntungamili Nkomo)
Umkhokheli webandla leMovement for Democratic Change (MDC-T) uMnu. Morgan Tsvangirai loMongameli Robert Mugabe(AP Photos/Collage by Ntungamili Nkomo)

Abantu abambalwa abakhulume kuhlelo Zimbabwe Today – Asixoxeni lamuhla olwethulwa ebulenjini bokuzilibazisa obe Facebook kukhasi leVOA Ndebele, bathi ibandla leMDC-T kumele likhankase kakhulu emaphandleni ukwenzela ukuthi linqobe kukhetho oluzakwenziwa ngomnyaka ozayo.

Bathe kungamanga okwethulwe yinhlanganiso yeAfrobarometer ethi ibandla leli selibalekelwa ngabalandeli.

Baphinde njalo bathi kungaba kuhle ukuthi ibandla leli lisebenze lamanye amabandla aphikisayo ngesikhathi sokhetho ukuze kunqotshwe ibandla leZanu PF.

Umsekeli wesikhulumeli seMDC-T, uNkosazana Thabitha Khumalo, lonobhala obona ngenhlelo ezitshiyeneyo kubandla leli, uMnu. Abednico Bhebhe, bathe baqhuba kahle imikhankaso yokhetho njalo ibandla leli lokhe liqine okumangalisayo.

Kodwa-ke uMnu. Sikhumbuzo Moyo, isizalwane seZimbabwe esihlala kwele South Africa, uthe ibandla leMDC-T seliphelelwe ngumphako.

“Kangiboni ukuthi ibandla leli lizakwenza njani kukhetho oluzayo ngoba selehluleka ukususa ibandla leZanu PF embusweni. Kukhanya engani selamunywa umungula libandla leZanu PF.

Abasekela ibandla leli bathi kumele uMnu. Morgan Tsvangirai abophe ziqine kukhetho lolu njengoba kulabanye abathi kukhanya kuzabe kunzima kakhulu ukunqoba kukhetho oluzayo.

Nxa lifuna ukuzwa okunengi ngodaba lolu ngenani kukhasi leVOA Ndebele.

XS
SM
MD
LG