WASHINGTON DC —
Ibandla leMDC-T selisole umsekeli kaMongameli welizwe uNkosikazi Joyce Mujuru ngokuchothoza amaphephandaba aveza ukubola lokungethembeki okwenzakalayo kumankampani kahulumende afana leZBC.
Ekhuluma emhlanganweni wabesifazana kuZanu PF eMashonaland West ngoMgqibelo, uMujuru uthe abachaya imisebenzi yokungethembeki le ngabantu abajonge ukudiliza ibandla leZanu PF.
Izisebenzi ebezihola imali esabisayo kumankampani kahulumende agoqela umsakazo weZBC lePSMAS zilobudlelwano obusobala leZanu PF.
UMujuru uthe udaba lokungethembeki lolu ludaba olumele lukhulunywe ngalo ensitha kubandla leZanu PF hatshi emphakathini.
Amazwi kaMujuru la acunule kakhulu abantu abanengi.
Isikhulumeli seMDC-T uMnu Douglas Mwonzora wethule umbiko esithi uMujuru kumele atshiye umsebenzi phezu kwamazwi akhe njalo kumele acutshungulwe yikomishini ekhangelane lokulwisana lokungethembeki.
Ukuhlaziya loludaba sixhume ingcwethi kwezombusazwe uMnu Rejoice Ngwenya yena othe alihlazo amazwi kaNkosikazi Mujuru.
Ekhuluma emhlanganweni wabesifazana kuZanu PF eMashonaland West ngoMgqibelo, uMujuru uthe abachaya imisebenzi yokungethembeki le ngabantu abajonge ukudiliza ibandla leZanu PF.
Izisebenzi ebezihola imali esabisayo kumankampani kahulumende agoqela umsakazo weZBC lePSMAS zilobudlelwano obusobala leZanu PF.
UMujuru uthe udaba lokungethembeki lolu ludaba olumele lukhulunywe ngalo ensitha kubandla leZanu PF hatshi emphakathini.
Amazwi kaMujuru la acunule kakhulu abantu abanengi.
Isikhulumeli seMDC-T uMnu Douglas Mwonzora wethule umbiko esithi uMujuru kumele atshiye umsebenzi phezu kwamazwi akhe njalo kumele acutshungulwe yikomishini ekhangelane lokulwisana lokungethembeki.
Ukuhlaziya loludaba sixhume ingcwethi kwezombusazwe uMnu Rejoice Ngwenya yena othe alihlazo amazwi kaNkosikazi Mujuru.