amalinks wokungena

Breaking News

Misa: Siyakusola Ukubotshwa Kwentatheli


Nevanji Madanhire
Inhlanganiso elwela ilungelo lentathelizindaba iMisa-Zimbabwe sisole ukubotshwa kwentathelizindaba zeNewsDay ezimbili ezibalisa umhleli waleliphephandaba uMnu Nevanji Madanire loMoses Matenga.

Ababili laba bavalelwe okwamahola ayisithupha eHarare Central Police Station ngoMvulo bebuzisiswa phezu kodaba oluphume kuphephandaba labo obelugcona usikomitshi wamapholisa uMnu Augustine Chihuri ngokwehluleka ukuqhuba umsebenzi kuhle kwamapholisa.

Iphephandaba leNewsDay lisole uChihuri ngemva kokuba amapholisa egijimise enye ikombi phakathi kwedolobho leHarare, umtshayeli waleyokombi wabaleka wasegxoba umntwana wafa.

UMadanire loMatenga betheswe icala lokudinda udaba obelulakho ukubangela ukungahlaliseki phakathi kukazulu.

Isiphathamandla seMisa uMnu Nhlanhla Ngwenya usole kakhulu amapholisa ngokuhlukulkuza ababili laba kanye lentatheli nje jikelele.
please wait

No media source currently available

0:00 0:01:53 0:00
Lapho esitholakala khona


Kunjalo nje icele eleMDC elikhokhelwa nguMnu Welshman Ncube lalo lisole ukubotshwa kukaMadanire loMatenga.

Isikhulumeli salelibandla uMnu Nhlanhhla Dube wethule umbiko esithi amapholisa kumele akhangelane lomsebenzi wawo wokulondoloza ukuthula hatshi ukuhlukumeza intathelizindaba.
XS
SM
MD
LG