amalinks wokungena

'Umsekeli Kamongameli uMnangagwa Kaxotshwe Kubandla leZanu PF'

  • Gibbs Dube

UMnu. Emmerson Mnangagwa lonkosikazi wakhe.

Amalunga ebandla le Zanu PF koBulawayo bathi sokumele umsekeli kamongameli, uMnu. Emmerson Mnangagwa, asuswe esikhundleni kulandela ukuhozwa kukaNkosikazi Grace Mugabe ngoMqobelo ngabacatshangelwa ukuthi ngabasekeli bakhe emkhosini wePresidential Youth Interface Rally owenzelwe koBulawayo.

Umsakazo weZimbabwe Broadcasting Corporation uthi inyathelo leli lithethwe ngabalandeli bebandla leli abazondiswe ngokwenzakale eWhite City Stadium uNkosikazi Mugabe ekhuluma ngoMnangagwa othi ufuna isikhundla somkakhe ngamehlo abomvu.

UMnu. Dennis Ndlovu, umgcinisihlalo webandla leli koBulawayo, uthi kuyayangisa okwenzakale enkundleni yeWhite City Stadium ngakho bakubone kufanele ukuthi bathathe isinqumo emhlanganweni wabo osokuthi uMnangagwa axotshwe kubandla leli.

UMugabe ubuze empakathini ukuthi waphambanisa yini ukuthi akhethe uMnangagwa ukuba abengumsekeli wakhe wagcizelela esithi uzamxotsha kumbe uzaxotshwa ngabalandeli bebandla leZanu PF.

Umkakhe laye ozonde okwamagama uthe uMnangagwa sokumele ajeziswe ngoba wenza kubelokuxokozela kubandla leli.

Kasenelisanga ukukhuluma loMnangagwa ngeSonto ngesikhathi uNkosikazi Mugabe esithi uMnangagwa waqalisa kusanda kubalozibuse ukuthi afune ukuhluthuna isikhundla sikaMugabe.

Abazi ngokwenzakalayo bathi ibandla leli lifuna ukuxotsha uMnangagwa ngendlela elaxotsha ngalo owayengumsekeli kaMugabe, uNkosikazi Joice Mujuru, owetheswa amacala amanengi agoqela lokuthi utshona ezinyangeni ebuzisisa ngokuba ngumongameli njalo lokuthi wayefuna ukususa umongameli esikhundleni okungekho emthethweni.

Wakuphika konke lokhu. Okwamanje kulamacela amabili okuthiwa akhokhelwa nguNkosikazi Mugabe loMnangagwa ababikwa befuna isikhundla sikaMugabe.

Facebook Forum

XS
SM
MD
LG