amalinks wokungena

Breaking News

Mnangagwa: I-ZANU PF Izanqoba Kukhetho Oluzayo Ngoba Ibambene


Umongameli Mnangagwa ukhulume amazwi-la ngoLwesine emhlanganweni labasakhulayo balelibandla owe Youth Convention, eMkoba eGweru, lapho abathembise khona ukuthi bengavotela i-ZANU PF, bazathola imisebenzi, amapulazi, kanye lezinye inhlelo zokubathuthukisa.

UMongameli Emmerson Mnangagwa uthi kusobala ukuthi ibandla alikhokhelayo eleZANU PF yilo elizanqoba kukhetho oluzayo ngoba libambene njalo selisungule inhlelo zokuthuthukisa umnotho welizwe.

UMongameli Mnangagwa ukhulume amazwi-la ngoLwesine emhlanganweni labasakhulayo balelibandla owe Youth Convention, eMkoba eGweru, lapho abathembise khona ukuthi bengavotela iZANU PF, bazathola imisebenzi, amapulazi, kanye lezinye inhlelo zokubathuthukisa.

Uthe umhlangano wokukhumisana umlotha phakathi kwabanqobayo labanqotshwayo kukhetho lwama primary elections alelibandla, yikho okuqinise iZANU PF ngamandla.

Uphinde wathi uzathuthukisa inhlelo zabasemsebenzini wokuzithokozisa, bona abakade bemelwe ngumculi wakoBulawayo olodumo, uSandra Ndebele.

UMnu. Mnangagwa ugcizelele ukuthi ibandla lakhe alifuni kube lodlakela njalo kufanele ukhetho luqhutshwe ngokuthula.

Ukuhlaziya loludaba, sixoxe loMnu. Benard Bhekilizwe Ndlovu, ingcwethi ecubungula ezombusazwe, othi kusobala ukuthi ibandla leZANU PF lehluleka ukufeza izithembiso zalo eminyakeni edluleyo.

Kodwa uthi njengoba ezinye inhlelo zikahulumende kaMongameli Mnangagwa zehluke kancane kulezika Mnu. Robert Mugabe, owayengumongameli, mhlawumbe engafeza lokho akuthembisa abantu.

please wait

No media source currently available

0:00 0:02:33 0:00

Facebook Forum

XS
SM
MD
LG