amalinks wokungena

Breaking News

Kambe Uhambo lweQatar Luzathuthukisa Umnotho weZimbabwe Na?


Umongameli Emmerson Mnangagwa

Kulembono etshiyeneyo ngokuhamba kukamongameli Mnangagwa emazweni atshiyeneyo selokhu wathatha intambo zombuso kuMnu. Robert Mugabe, abanye besithi akulanguquko ebonakalayo elizweni.

Umongameli Emmerson Mnangagwa usesigodlweni seQatar, eDoha, lapho asayine isivumelwano sokusebenzelana ndawonye lomunye wakhe walelolizwe uMnu. Sheik Tamim bin Hamad al Thani ngoMvulo. Isivumelwano lesi simumethe indlela amazwe womabili azathuthukisa ngayo umnotho wabo.

Kodwa inengi seliveze imbono etshiyeneyo ngokuhamba kukamongameli Mnangagwa kanye leziphathamandla zikahulumende emazweni atshiyeneyo selokhu wathatha intambo zombuso kuMnu. Robert Mugabe ngomnyaka odluleyo. Abanye bathi kufanele anikwe isikhathi sokuthuthukisa umnotho welizwe kodwa abanye, abanjengoMnu. Dumaphi Mema isizalwane seZimbabwe esihlala eMelika bathi kulusizi ukuthi akulanguquko ebonakalayo elizweni.

Ingcwethi ecubungula ezombusazwe uMnu. Rejoice Ngwenya uthi kulutshwana okungatholwa ngeleZimbabwe eQatar.

Kodwwa ekhuluma lomsakazo weStudio 7 eseNew York, kumaviki ambalwa edluleyo, umphathintambo kahulumende obona ngobudlelwano lamanye amazwe uMnu. Sibusiso Moyo, laye owaye phakathi kohambo olufanayo, elezinye iziphathamandla zikahulumende, wachasisa umthelela wemizabalazo le kwezomnotho, kanye lokuqeda ukusilelea kwemali emabhanga.

Kuhambo lwakhe eQatar, uMnu. Mnangagwa ukhatshwe ngumphathintambo kahulumende obona ngezemali uMnu. Patrick Chinamasa, owezokulima uMnu. Perrance Shiri, kanye lobona ngezokwenjiwa kwamatshe aligugu, uMnu. Winston Chitando labanye. Laba babikwa besithi sebakhe ubudlelwano labanye babo eQatar, ngendlela yokuthuthukisa ingatsha abazikhokhelayo kuhulumende weZimbabwe.

please wait

No media source currently available

0:00 0:03:24 0:00

Facebook Forum

XS
SM
MD
LG