amalinks wokungena

Abathengisa Impahla Emigwaqweni Bathi uMnangagwa loMugabe Zimbila Zantabanye

  • Mavis Gama

Abathenga bethengisa impahla etshiyeneyo bathi uMnangagwa loMugabe Zimbila Zantamabanye

Imigwaqo yeHarare ngoLwesibili ibibethwa ngumoya kulandela ukususwa kwabaphila ngokuthenga bethengisa impahla ezitaladeni.

Kodwa uzulu utshengise ukukhathazeka ngokususwa kwabantu laba wethesa uhulumende kaMnumnzana Emmerson Mnangagwa umlandu wokungabi lendaba lenhlalakahle kazulu.

Amapholisa, amasotsha kanye lamapholisa kamanisipala amanyane ekususeni abaphila ngokuthengisa emigwaqwenikanye labasebenzisa izimota ezincane ukuthwala abantu bengalamvumo.

Abengatsha ezintathu lezi, baqale ukwazisa uzulu ngalelinyathelo ngoMgqibelo besithi kusiyafika ngoMvulo abantu bebe sebesukile emigwaqweni. Bakwethule lokhu kusanda kuphela uhlelo lwe Operation Restore Legacy olwenze kwaphuma uMnu. Robert Mugabe esikhundleni kwasekusethulwa olunye oluthiwa yiOperation Restore Order.

UMnu. Leopold Munende, omunye wabasole ukususwa kwabantu laba, uthe uhulumende kaMnangagwa kananzi inswelo zikazulu.

UMunende uthe osekusenzakala kulabo abaphila ngokuthengisa kufana xathu lalokho obekusenziwa phansi kombuso kalowo obengumongameli kaRobert Mugabe.

UMunende uthe okudanisayo yikuthi lapho okuthiwa bayethengisela khona kuzindawo ezikhatshana kakhulu njalo zingalungelanga ukuqhubela khona imisebenzi yokuthengisa.

Akukhuthazayo uMunende yikuba kuvuselelwe umnotho bathole okokwenza abantu elizweni hathsi ukubahlukumeza njengalokho osekusenzakala.

Kodwa abaqhuba lumsebenzi bathi benza lokhu ngendlela yokufuna ukwenza idolobha leHarare, eselisaziwa njengelingcole kakhulu okwedlulise amalawulo, lihlanzeke.

Abaphila ngokuthengisa laba bebethwalwa lempahla yabo besiwa enkambeni ye Harare Central Police Station kuthi abaqhuba imisebenzi yokuthwala uzulu ngezimota labo bebezithathelwa ngamapholisa la abesebenzelana labakubutho lamapholisa kamanisipala.

Facebook Forum

XS
SM
MD
LG