amalinks wokungena

Breaking News

Uhulumende Uqhuba Imihlangano Lamaqula Avela EBhilithane


Iqula labosomabhizimusi elivela eBhilithane lihlangane lomongameli Mnangagwa ngoMvulo eHarare, kwathi ele Commonwealth laxoxisana loMnu. Sibusiso Moyo.

Iqula labosomabhizimusi elivela eBhilithane lihlangane loMongameli Emmerson Mnangagwa namuhla emini emahofisini akhe eHarare, ngesikhathi uhulumende esithi uqinisa imizamo yokuhuga amankampani akwamanye amazwe ukuthi azosungula amabhizimusi eZimbabwe.

Iqula leli ligoqela abakumabhizimusi okwenjiwa kwamatshe aligugu, amandla amagetsi, ezokulima, kanye leziphathelane lemali.

Ngaphambilini kwalumbuthano, iqula lenhlanganiso yomanyano we Commonwealth Membership Assessment Mission lihlangane lomphathintambo obona ngobudlelwano lamanye amazwe kanye lezokuthengiselana uMnu. Sibusiso Moyo, licubungula udaba lokuthi eleZimbabwe lingabe selilungele na ukubuyela kulumanyano.

Lokhu kulandela ukuphatheka kukaMnu. Moyo emhlanganweni weCommonwealth eBhilithane ngenyanga edluleyo, kanye leminye imizamo kahulumende eyokukhankasela ukuba lilunga lalumanyano.

IStudio 7 ayenelisanga ukuxoxisana leziphathamandla zikahulumende ukuzwa ukuthi kuvunyelweni kulimihlangano.

Ukuhlaziya loludaba, sxoxe loMnu. Rejoice Ngwenya, ingcwethi ecubungula ezombusazwe. UMnu. Ngwenya uthi imihlangano le ingaba lempumela encomekayo ekuthuthukiseni umnotho welizwe uhulumende engaqhuba ukhetho olukhululekileyo.

please wait

No media source currently available

0:00 0:02:10 0:00

Facebook Forum

XS
SM
MD
LG