amalinks wokungena

Breaking News

Mnu Raphael Khumalo: Ngizabeka Ezinye Induna koMthwakazi Ezihlalweni Zalezo Ezizakwenqaba Ukusebenza Lami Inkosi Sezithatheke NgokweZimbabwe


UMnu. Raphael Khumalo Owaziwa Njengenkosi uMzilikazi Wesibili
UMnu. Raphael Khumalo Owaziwa Njengenkosi uMzilikazi Wesibili

UMnu. Khumalo uthii uzabeka ezinye induna zikaMthwakazi ezihlalweni zalezo ezingafuni ukusebenza lenkosi, esezithatheke ngokweZimbabwe, ngoba amandla enduna avela enkosini

UMnu. Raphael Khumalo omunye owaziwa njengenkosi yamaNdebele enguMzilikazi wesibili uthi ubukhosi besizwe sikaMthwakazi sobuvuselelwe ngakho kufanele abantu bekhumbule ukuthi ababuswa nguhulumende weZimbabwe, kodwa baholwa yinkosi.

Uthi uhulumende kalamvumo yokubusa indawo eyaziwa ngokuthi yisizwe sikaMthwakazi yikho ephethe abantu balesi isigaba ngochuku, kukanti imvumo le kumele ayithole enkosini.

UMnu. Khumalo wengeze wathi ukuthi uMthwakazi abuswe yinkosi ngokupheleleyo kungafezeka abantu lezinduna bengamanyana laye, inkosi.

Uthi uzabeka ezinye induna esihlalweni salezo ezingafuni ukusebenza lenkosi, esezithatheke ngokweZimbabwe, ngoba amandla enduna avela enkosini

Usole amapholisa ngathe yikubopha, lokutshaya abantu lapho bechitha-chitha imihlangano ayiqoqayo esikhathini esedluleyo, laye wabotshwa walala entolongweni.

Wengeze wathi uhulumende uyadelela isizwe sikaMthwakazi njalo sowazama ukukhulumisana laye kodwa kalaleli.

UMnu. Khumalo uthi uyinkosi yabantu bonke abakusizwe sikaMthwakazi ngakho akulankosi yamaSotho, amaTonga, kumbe eyamaVenda.

Asizweni ezikhulumela ngawakhe kungxoxo ayiqhube leStudio 7 ngemva kokwethula umbiko wakhe ekhasini lebulenjini beFacebook.

please wait

No media source currently available

0:00 0:07:07 0:00


XS
SM
MD
LG