amalinks wokungena

Breaking News

Mohadi: Khulumani Ngodaba lweGukurahundi Ukuze Lulungiswe


UMnu. Kembo Mohadi

UMsekeli kaMongameli welizwe uMnu Kembo Mohadi uthi kuzakubalophenyo ngodaba lombhuqazwe weGukurahundi njalo sekhuthaze abantu ukuthi bengesabi, bakhulume lekomitshini ye Truth and Reconciliation ngaloludaba.

UMsekeli kaMongameli welizwe uMnu Kembo Mohadi uthi kuzakubalophenyo ngodaba lombhuqazwe weGukurahundi njalo sekhuthaze uzulu eZansi yemaNdebeleni ukuthi engesabi njalo akhulume lekomitshini ye Truth and Reconciliation engelakuthandabuza.

UMnu. Mohadi ukhulume lamazwi ekolitshini leJoshua Mqabuko Nkomo Polytechnic ngoMgqibelo kudili lokuthakazelela ukukhethwa kwakhe ukuba ngumsekeli kaMongameli welizwe.

Inkulungwane lenkulungwane zabantu ebezisuka endaweni ezitshiyeneyo zelizwe bezithe gwaqa kulelikolitshi

UMnu. Mohadi uthi kuyadingeka ukuthi abantu bakhumisane umlotha njalo bethandane ukuze kube lokuthula elizweni.Loba nje engayiqambanga ngebizo iGukurahundi bekusobala ukuthi ukhuluma ngayo esithi uzulu ngeke aqhubekela phambili ezondana ngenxa yendimi ezitshiyeneyo.

Uthi ikomitshini ebona ngokuxolelana eyeTruth and Reconciliation isizaqala umsebenzi njalo umphakathi kuzamele akhulume afuna kwenziwe ukuze kubelokuthula kwelemaNdebeleni.

UMohadi uthi ilizwe leZimbabwe seliqala kakutsha kusukela lapho ibutho lihluthuna umbuso kowayengumongameli uMnu Robert Mugabe .Wengezelele wathi kuyadingeka ukuthi abantu bonke basebenze ndawonye ukuze kube lentuthuko elizweni.

Utshalimani webandla leZanu PF UMnu Rabelani Choeni uthi uMnu. Mohadi wethulwe nguNkulunkulu ukuba ngumsekeli kaMongameli welizwe njalo uyisithunywa somuntu wonke.

Umphathintambo obona ngokwenzakala eZansi yemaNdebeleni uMnu. Abedinigo Ncube uncome uMongameli Emmerson Mnangagwa ngokukhetha uMnu. Mohadi esithi kakaze anqotshwe kukhetho eBeitbridge.

Bekulabalimi kanye labosomabhizimusi abamhlophe kulumcimbi njalo uMnu Choeni uthi lokhu kuveza ukuthi ilizwe leZimbabwe alibandlululi ngembala.

UMnu. Mohadi uthole inkomo eziyisitshiyangalombili Kanye lezimvu lezinye izipho ezivele kubandla leZanu PF lakuzulu.

Abanye abakade bekulumcimbi bagoqela abaphathintambo bakahulumende, abagoqela oMnu Obert Mpofu kanye loSimon Khaya Moyo, kanye lamakhosikazi uAngeline Masuku loSithembiso Nyoni.

UAlbert Mazhale Uyalandisa
please wait

No media source currently available

0:00 0:03:58 0:00

Facebook Forum

XS
SM
MD
LG