amalinks wokungena

Breaking News

Kulabantu Abanengi Okumangalisayo Emngcwabeni kaMorgan Tsvangirai


UMnu. Raila Odinga loMnu. Nelson Chamisa baxoxisana ngokubhubha kuka Morgan Tsvangirai.
UMnu. Raila Odinga loMnu. Nelson Chamisa baxoxisana ngokubhubha kuka Morgan Tsvangirai.

Abantu abanengi okumangalisayo sebethe gwaqa emzini kamuyi uMorgan Tsvangirai eBuhera esabelweni seManicaland lapho angcwatshwa khona.

Ezinye iziphathamandla ezizabe zisemngcwabeni lo zigoqela uMnu. Raila Odinga okumanyano ophikisa ibandla elibusayo kwele Kenya.

UNkosazana Thabitha Khumalo, umsekeli wesikhulumeli sebandla leMDC-T, uthe uMnu. Nelson Chamisa, osabambe isikhundla sikamuyi, uzakwethulela uzulu umbiko oqakathekileyo ngesikhathi kubekwa uTsvangirai.

UMaKhumalo uthe kukhangelelwe ukuthi abantu bazababanengi okumangalisayo ngoba bavela endaweni zonke zelizwe leZimbabwe.

Banengi Abantu Abasemngcwabeni Kamuyi uMorgan Tsvangirai
please wait

No media source currently available

0:00 0:03:56 0:00

“Sikhuluma nje okwamanje kumnyama tshuu phandle. Abanye abantu kabasoze benelise ukusondela eduzane lalapho esiyabe sisebeka khona ubaba wethu uDr. Morgan Richard Tsvangirai.”

Uthe kuyamangalisa ukuthi uhulumende usecente indlela yokuya emzini kamuyi. “Thina akusimangalisi lokhu ngoba lo nguhulumende wamanga. Abantu sebediniwe yikuqanjelwa amanga ngakho-ke kabasoze bekhangwe yilokhu ngesikhathi sokuvota.”

Banengi abantu abase Buhera lapho okungcwatshwa khona umuyi uMorgan Tsvangirai
Banengi abantu abase Buhera lapho okungcwatshwa khona umuyi uMorgan Tsvangirai

Amalunga ebandla elibusayo akhangelelwe ukuthi azakuya emgcwabeni lo kulandela okwethulwe yiziphathamandla zebandla leli okugoqela uNkosikazi Oppah Muchinguri Kashiri obacele ukuthi bahambe ngobunengi babo emzini kamuyi.

UMnu. Joseph Tshuma, olilunga lebandla elibusayo eleZanu PF, uthe bakhangelele ukuthi abalandeli bebandla lakhe bahambe ngobunengi koTsvangirai.

“Sifisa ukutshela abantu bonke beZimbabwe ukuthi sikhala labo ngokubhubha kukaTsvangirai,” kutsho uTshuma.

Uphinde wathi uhulumende ukubone kufanele ukuthi alungise umgwaqo osetshenziswa ngabantu nxa besiya emzini wakoTsvangirai.

Zanu PF: Sikhala Lomdeni kaTsvangirai Labantu Bonke eZimbabwe Ngokubhubha Kwakhe
please wait

No media source currently available

0:00 0:07:20 0:00

“Kasenzeli ukuthola amavoti kukhetho oluzayo. Sikwenzela ukutshengisa inhlonipho kumuyi, umdeni wakhe labantu beZimbabwe jikelele.”

UTsvangirai wabulawa yisifo semvukuzane.

XS
SM
MD
LG