amalinks wokungena

Breaking News

Morgan Tsvangirai: Kungamanga Ukuthi Sengizabhubha


UMnu. Morgan Tsvangirai
UMnu. Morgan Tsvangirai

Umkhokheli webandla leMDC-T, uMnu. Morgan Tsvangirai, uthi kungamanga ukuthi usezabhubha.

UTsvangirai, olomkhuhlane wemvukuzane, utshele umsakazo weStudio 7 ukuthi kulabantu abaqamba amanga abathi odokotela sebemnike inyanga eziyisithupha zokuphila.

Uthi abaqamba amanga la bafuna ukuthi uzulu angamvoteli kukhetho oluzakwenziwa ngomnyaka ozayo.

"Lokhu kukhulunywa ngabantu abafuna ukwenza ukugula kwami kubeludaba egudwini ngesikhathi kulungiselelwa ukhetho oluzayo. Kangiguleli ukufa mina. Isebenza kahle imithi engiyinathayo."

UTsvangirai selesikhatshana watholakala elomkhuhlane lo awelatshwa kwele South Africa.

Ibandla lakhe seliqalisile ukukhankasela ukuthi avotelwe nguzulu kukhetho oluzayo.

Wanqoba uMugabe kukhetho lukamongameli ngomnyaka ka2008 loba engatholanga ilungelo lokubumba uhulumende.

XS
SM
MD
LG