amalinks wokungena

Breaking News

Moses Mzila - Ndlovu: AmaNdebele Kawasoze Avotele iMDC-T Ngoba Iyababandlulula


UMnu. Moses Mzila Ndlovu.

Ukudonselana amandla okusebandleni le MDC-T sekutshiye abanye abavela esigabeni seMandebeleni besithi kabasayi kuvotela ibandla leli ngoba litshengise ukungemukeli abohlobo lwesiNdebele.

Lokhu kulandela inkulumo yabasekeli balelibandla ababikwa bathi, lapho behlasela umsekeli kamongameli webandla, uNkosazana Thokozani khuphe lenye inkokheli, eBuhera ngeviki edluleyo bazwakala besithi kabafuni muntu odabuka esigabeni seMandebeleini njalo besithi ukhuphe labanye bakhe abadabuka keleso sigaba bangama dissident.

Ukuhlaziya loludaba sixoxe loMnu. Moses Mzila Ndlovu ongomuye wabake batshaywa kubandla leMDC-T engakasuki kulo, osekhokhela ibandla elithiwa yi ANSA.

“Izinto lezi ezenkala kubandla le MDC-T, mina ngingomunye wabantu owaba lethuba kakhulu ngisasebenza lalaba bantu sibumba linhlanganiso kusukela ngo 1999. Ukuhlukuluzwa kuka Thokozani (Khuphe) kasonto entsha," kutsho uNdlovu.

UNdlovu uthi uKhuphe wakhe wahlaselwa njalo ngomnyaka ka 2001 ngabantu abacatshangelwa ukuthi babethunywe nguChamisa.

please wait

No media source currently available

0:00 0:04:02 0:00

Facebook Forum

XS
SM
MD
LG