Ibandla leMthwakazi Republic Party liqhube umhlangano lamuhla eFilabusi emavinkilini eMahole eInsiza South lapho elisole khona kakhulu elithi yikwethuselwa kwabantu libandla elibusayo eleZANU PF, eliqhubekela phambili ngokuthatha inombolo zama serial numbers kulabo asebebhalise ukuvota.
EMahole umkhokheli weMthwakazi Republic Party, (MRP), uMnu. Mqondisi Moyo uthe isenzo lesi sikhomba ukuthi ukhetho oluzayo alula kuthula njengokuthembisa kukamongameli Emmerson Mnangagwa.
UMnumzana Richard Ncube weMahole usole kakhulu inkulumo ezenziwa nguMongameli Mnangagwa kumabona kude weZBC.
UMnumzana Mthandazo Ndlovu uthe kuhle ukuza kweMRP esigabeni sakhe.
UNkosikazi Ntombenhle Dube uthe kufanele kuvotelwe inkokheli ezizaletha intuthuko.
UMnunzna Mfanelo Sibanda uthi bakhathele ngokuhlukuluzwa ngamalunga ebandla elibusayo.
UMn. Mkhululi Nyathi uthi sokungathi bona bangabantu bokuza esigabeni sabo.
IStudio 7 ayenelisanga ukukhuluma lesiphathamandla sebandla leZANU PF kulesi isigaba uMnu. Abednico Ncube, yena obengaphenduli ucingo lwakhe.
Ezinye izakhamizi zithi zingekela ukuveza ama serial numbers zitshelwa ukuthi aziyikuthola usizo lokudla kumbe ukungena kunhlelo zesigaba.