amalinks wokungena

Breaking News

UMthuli Ncube Uthi Ufisa Ukuthi Libiselwe Idola leZimbabwe


UMnu. Mthuli Ncube, osanda kukhethwa nguMongameli Emmerson Mnangagwa ukuba ngumphathintambo wezemali, uthi kumele kubiselwe idola leZimbabwe.

UNcube wethule lokhu ngesikhathi ekhuluma lentathelizindaba esesigodlweni sikamongameli eHarare lapho afungiswe khona labanye bakhe ukuthi baqalise umsebenzi welizwe.

Uthi uzakwethula okumele kwenziwe ngemali yelizwe leZimbabwe ekupheleni kwenyanga kulokho okubizwa ngokuthi yiMonetary Policy Statement.

UNcube uthi basebenza kancane kancane kuze kubiselwe idola leZimbabwe ukwenzela ukuthi umnotho welizwe uthuthuke ngemfanelo.

UMnu. Mthuli Ncube Uthi Kumele Kubiselwe Idola leZimbabwe
please wait

No media source currently available

0:00 0:01:21 0:00

Kodwa-ke abanye abantu bathi kuyesabisa ukuthi kubiselwe idola leZimbabwe elenza ukuthi umnotho uphose udilike kusukela ngomnyaka ka2000 kusiyafika umnyaka ka2008.

Kulabanye njalo abasekela okufiswa nguMnu. Mthuli Ncube abanjengo Mnu. Muzi Ncube webandla leMDC-T elikhokhelwa nguNkosazana Thokozani Khupe.

Ingxoxo Esiyenze loMnu. Muzi Ncube
please wait

No media source currently available

0:00 0:01:36 0:00

UNkosikazi Priscilla Ndlovu, ingcwethi kwezombusazwe, laye uthi uyakusekela okwenziwa nguMnu. Mthuli Ncube.

Ingxoxo Esiyenze LoNkosikazi Priscilla Ndlovu
please wait

No media source currently available

0:00 0:01:36 0:00

Ilizwe leZimbabwe lalahla idola kulandela ukugugudeka kwalo ukwesabekayo.

Facebook Forum

XS
SM
MD
LG