amalinks wokungena

Breaking News

Amalunga eMthwakazi Republic Party Athi Abantu Bokuza Benze Ukuthi Banqotshwe Kukhetho


Abantu abavote kukhetho olusanda kwedlula.

Abebandla leMthwakazi Republic Party bathi bafezile inhlonso yabo yokuncintisa kukhetho olusanda kuqhutshwa eZimbabwe lobanje beyehluleke ukunqoba amanye amabandla.

Abebandla leli bancintise ekhethweni ezigabeni ezibalisa iNkabazwe, koBulawayo eMatabeleland North leMatabeleland South.

Unobhala jikelele walelibandla leMRP, uMnu. Njabulo Ngwenya, uthi impumela yokhetho iyabajabulisa lobanje inani lababhalisela ukuvota liphansi koMthwakazi.

“Siyathokoza njengebandla ngempumela yokhetho lobanje abantu ababhalisela ukuvota bembalwa uma kuqathaniswa lesilinganiso sabantu ababalwa kulelidolobho. Okunye okusobala yikhuthi lezibonakaliso zombhuqazwe weGukurahundi asesobala manje.”

UNgwenya uthi impumela yokhetho ibisobala ngoba ukhetho lolu bekungolwamazwe omhlaba yikho kulokuxokozela lamanje.

“Ukhetho lwalonyaka belungolwamazwe omhlaba hatshi izizakwane zakuleli ngoba lokuxokozela okubekhona ngemva kokhetho kusobala njalo lwenziwa ngesiphangiphangi.”

Uthi ukungena kwebutho emphakathini bekusobala njalo bebelesandla esikhulu kulolukhetho olusanda kwedlula. Uthi ilizwe selibuswa ngamasotsha.

“Ngesikhathi silungiselela ukhetho sikukhulumile ukuba abasivimbe ekukhankaseni eBulawayo Large City Hall libutho kodwa abantu abalalelanga ngakho sokusobala kuzulu ukuba sesibuswa libutho kuleli okungadingwayo.”

Isakhamuzi sakoBulawayo, uMnu. Zibusiso Mkhwananzi, uthi kuneni okubangele ukungqotshwa kweMRP lapho abakade beme khona.

“Sibabonile kukhetho kodwa kunengi okubangele ukuba kubelempumela enje ngoba baphuza ukukhankasa, njalo inengi labantu abahlala kuleli sekungabantu bokuza.”

UMnu. Brighton Sibanda, obemele iMRP eBeitbridge, uthi ibandla leMRP aliphumanga kahle kukhetho ngoba bebengela mali yokukhankasa njalo iphepha lokuvota belibuvilibana.

UMnu Mqondisi Ndebele, ongumcinisihlalo jikelele weMRP, uthi uMthwakazi ebengabhaliselana ukuvota njalo kukhona abakuvunileyo.

“Inengi labantu bakoMthwakazi belingabhaliselanga ukuvota njalo thina kusivule amehlo lapho esiyakhona sekuyakhanya.”

Ibandla leMRP lathola amavoti kodwa hatshi abapha izihlalo edale lephalamende lekhansili bethi kibo kube lithuba elihle njalo injongo yokungena kukhetho bayifezile lobanje ukhetho belungacaci.

Udaba Esilethulelwe NguAnnastacia Ndlovu
please wait

No media source currently available

0:00 0:06:07 0:00

Facebook Forum

XS
SM
MD
LG