Umkhokheli webandla le Mthwakazi Republic Party, uMnu. Mqondisi Moyo sambuza ukuthi njengoba uChamisa esekhuluma indaba ezithinta abe sigaba seMandebeleni ezifana lokubandlululwa lokugcotshwa kwenkosi, bazamsekeli na?
Kodwa uMoyo uthi cha: “Ngesilungu kuthiwa he is shedding crocodile tears kumbe singathi uyimpisi egqoke isikhumba semvu.Uyakwazi mhlophe ukuthi thina, ikakhulu abebandla le Mthwakazi Republic Party silwisa okuthiwa ngesilungu yi Shona hegemony ephethwe kakhulu yi 1979 Grand Plan,” kutsho uMoyo.
UMoyo uthi abantu beMpumalanga yibo abathola okuhle elizweni okungatholwa ngabezinye izigaba ikhakhulu ezeMandebeleni.
Uthi kuyadanisa ukuthi uChamisa labasekeli bakhe batshaya uNkosazana Khuphe bamuthi uli dissident.
“Njalo uyakwazi ukuthi nxa ebuya ngapha kwelamaNdebele ungakhuluma ngendaba ezinjengezamatitshala lendaba zombhuqazwe, layoneleyo esegudwini lezinsuku eyenkosi bengakulalela.
Uthi njalo lomuyi uMnu. Morgan Tsvangirai owayekhokhela lelibandla wayethi engafika esigabeni seMandebeleni akhuluma indaba ezifanayo esenzela ukukhanga amavoti.
