amalinks wokungena

'Yinhlamba Emangalisayo Ukuthi uMugabe Abeledili Lakhe eBhalagwe'


UMongameli Robert Mugabe.

Abantu abanengi okumangalisayo ngama 1980s babulawa bajikelwa emigodini eBhalagwe besetheswa icala lokuthi babegcina amalwecagtsha ayelwisana lokulumende kaMugabe.

Kodwa-ke uMugabe ngokwakhe wathi lokhu kwakungalunganga ngoba kulabantu abacatshangelwa ukuthi bazinkulungwane ezingamathumi amabili – 20,000 ababulawa yiFifth Brigade eMatabeleland leNkababzwe.

Uzulu uthi ukuthakazelela ilanga lokuzalwa likaMugabe ele 21st February Movement eBhalagwe yinhlamba emangalisayo njalo bangeke baxolela uhulumende wakhe ngesenzo lesi.

UMgcinisihlalo webandla leZAPU ezansi yeMaNdebeleni, uMnu. Mathew Sibanda, uthi uMugabe uyadelela okuphindiweyo njalo njengebandla badabukile kakhulu ngalel’inyathelo. Uthe lenkokheli zomdabu zimbikele ukuba ziswele ukuthi zibambe kuphi.

UMongameli weMthwakazi Republic Party, uMnu. Mqondisi Moyo, laye uthe balokudana okukhulu ngalokho okwenziwa libandla likaMugabe.

Uthe uzulu akumelanga ahambe ukuyathakazelela ilanga leli.

UMnu. Zenzele Ndebele, isakhamuzi sakoBulawayo, ugcizelele esithi abeZanu PF benza ngabomo ngoba ukwenzela idili leli eBhalagwe yikuhlukuluza abantu ngokubathunuka izilonda zokubulawelwa.

Uthe okwenziwa libandla le Zanu PF loMugabe yinhlamba kulabo ababulawelwa izihlobo libutho leGukurahundi.

UMnu. Samuel Khumalo, okubandl leMDC-T, uthe okwenziwa nguMongameli Mugabe kulihlazo njalo kuveza ukuba lokhe elengqondo yokufuna ukubulala.

UMabhalane wenhlanganiso yeBhetshu LikaZulu, uMnu. Mbuso Fuzwayo, uthe kulusizi ukuthi umuntu angakhetha ukuyagida phezu kwamangwcaba awadalayo.

Uthe ngabe uthatha imali yomcimbi lo ayefundisa intandane zabantwana babantu abababulalayo.

Osakhulayo uLungile Nyathi laye uvumelane loFuzwayo esithi imali esetshenziswa kulumkhosi ngabe iya ekulungisiseni umonakalo oselizweni.

XS
SM
MD
LG