amalinks wokungena

UMugabe Sefikile eNew York Labantu Abanengi Ahamba Labo

  • Gibbs Dube

UMugabe esethula umbiko wakhe emhlanganweni weUnited Nations ngomnyaka ka2016.

UMongameli Robert Mugabe usefikile eNew York lapho akhangelelwe ukuthi uzangena emhlanganweni wenhlanganiso yamazwe omhlaba owe United Nations General Assembly. UMugabe uhamba lomkakhe, abantwana bakhe, umzukulu, iziphathamandla zikahulumande labamvikelayo.

Kubikwa ukuthi umuntu munye ngamunye ohamba loMugabe ozathola amadola ayinkulungwane lengxenye ngelanga.

UMugabe ukhangelelwe ukwethala umbiko wakhe oqakathekileyo njengenkokheli yonke yamazwe atshiyeneyo emhlanganweni lo.

Ujayele ukukhuluma santando nxa ephiwe ithuba lokwethula umbiko wakhe. Okunye okuyake kuphume emlonyeni wakhe yisijeziso zenotho azifakelwe ngamazwe entshonalanga labanye bakhe kulandela ukucatshangelwe ukuthi bephula ilungelo likazulu njalo kabaqhubi ukhetho ngemfanelo.

Uthe esuka ekhaya watshiya umsekeli wakhe, uMnu. Emmerson Mnangagwa, emmele ngesikhathi lundoda esanda kuthethiswa ngumkakhe, uNkosikazi Grace Mugabe, othi wenza okungalunganga ngasese esenzela ukuthatha isikhundla sikaMugabe

Facebook Forum

XS
SM
MD
LG