amalinks wokungena

Breaking News

Mugabe: UMnangagwa Waphatheka kuGukurahundi


Ohluthunelwe intambo zombuso libutho nyakenye uMnu Robert Mugabe uthi uMongameli Emmerson Mnangagwa ungomunye wengqungquthela ezaphatheka kumbuqazwe weGukurahundi.

Ekhuluma lephephandaba leZimbabwe Independent, uMugabe uthe uMnangagwa, yena owayengumphathintambo wezomvikela ngalesosikhathi kanye lowayengumqondisi weCIO uMnu David Stannard yibo abadubula njalo imota kaMnu Dumiso Dabengwa besithi yayithwele izikhali.

Ngakho, uMugabe uthi akulandlela uMongameli Mnangagwa angazigeza ngayo kulumbuqazwe.

Bazinkulungwane ezingamatshumi amabili abantu ababulawa libutho likaMugabe phansi ngesikhathi seGukurahundi eMidlands laseMatabeleland.

Kodwa njengoMnangagwa, uMugabe uyalilandula leli nani esithi kwafa abantu bambalwa nje.

Kazigezanga uMugabe kulobubudlova ngoba esithi uMnangagwa labanye bakhe babelandela izixwayiso zikahulumende wakhe.

Uwaphindile njalo amazwi awethule ngeviki edluleyo awokuthi aMaNdebele yiwo azokhela amalahle ngodaba lweGukurahundi ngoba ayesekela ibandla leZapu.

Lawa ngamazwi asolwa nguzulu, okugoqela ingcwethi kwezombusazwe uMnu Effie Dlela Ncube.

please wait

No media source currently available

0:00 0:02:00 0:00

Facebook Forum

XS
SM
MD
LG