amalinks wokungena

Breaking News

Umongameli Mugabe Wethekelela Amaphahla Asanda Kuhlinzwa Esehlukaniswa


Zimbabwean President Robert Mugabe

Umongameli Robert Mugabe wethekelele amaphahla asanda kuhlinzwa esehlukaniswa ngoba ezelwe ebambene esiswini. Amawele la ahlinzelwe esibhedlela seHarare Children’s Hospital.

Umongameli Mugabe wenzele amhlophe imhuli yakoChitiyo kanye lequla labodokothela labongi abangamatshumi amahlanu abasebenze gadalala ekuhlinzeni abantwana laba emsebenzini othethe amahola athoba minwe mbili ngoLwesibili lweviki edluleyo.

Ukwethekelela kukaMongameli Mugabe ukuyabona insane lezi esibhedlela kubikwe okwakuqala ngoLwesithathu emsakazweni weStudio 7 kuhlelo lwe Livetalk kungxoxo lompathintambo wezempilakahle uDr David Parirenyatwa obe ngumhlonitshwa kulolu hlelo.

UMugabe uncome iqembu labodokothela labongi esithi kulezinto ezinengi ezikhulunywa ngaleli lizwe ezimbi emizameni yokungcolisa isimo seZimbabwe kodwa umsebenzi wokuhlinza insane lezi uqutshwe kakuhle waphumelela laloba wenziwe kungela zinto zonke zokusebenzisa okuveza ukuthi uNkulunkulu ubusise lumsebenzi.

Ngemva kwalokho uthembise isibhedlela lesi ukuthi uhulumende wakhe uzasebenza gadalala ukuthi asitholise imali yokuthenga imitshina yangalezi nsuku yokusebenzisa njalo wanxusa iqembu lonke labodokothela esigodlweni sakhe seState House. UNkosikazi Agnes Chitiyo lomkakhe uMoses babusiswe ngamaphahla la, u-Kupakwashe lo Tapiwanashe abazelwe mhlaka 12 Mabasa lonyaka.

XS
SM
MD
LG