amalinks wokungena

Breaking News

UMongameli Mugabe Upha uTsvangirai Inguquko Yesisekelo Sombuso


UMongameli Mugabe (Ophakathi) laboMnu. Morgan Tsvangirai (Engxele) loMNu. Arthur Mutambara.
UMongameli Robert Mugabe uphe inhloko kahulumende uMnu. Morgan Tsvangirai ugwalo lwesisekelo sombuso esitsha iDraft Constitution olulotshwe lwafakwa imbono yebandla lakhe leZanu PF. Lokhu kulandela ukukhonona kwebandla lakhe ngesisekelo sombuso esitsha ikakhulu inhlamvu ezimunyethwe yikuzibusa kwezabelo lokuba yizizalwane zeZimbabwe nxa umuntu esephiwe ilungelo lokuhlala kwamanye amazwe.

UMugabe ubikwa ephe inhloko kahulumende isisekelo sombuso lesi lomsekeli wakhe, uMnu. Arthur Mutambara lanxa inhlanganiso yomanyano wamazwe angezansi kweAfrica oweSADC ungqume ukuba uMutambara engananzwa njengomkhokheli wecele leMDC. Lokhu kutshengise sobala ukuthi uMugabe loTsvangirai bakhethe ukuba kabasoze balandele isingqumo seSADC.

Isiphathamandla seZanu PF, uMnu. Jonathan Moyo uphume emaphephandabeni esola uMongameli Jacob Zuma weSouth Africa, ngokuxotsha uMutambara emhlanganweni awenze lenkokheli yeZimbabwe ngeviki edluleyo.

Kodwa isikhulumeli sebandla likaNcube, uMnu. Nhlanhla Dube utshele uChris Gande weStudio 7 ukuthi sekusobala ukuthi uMutambara usebenzelana lebandla leZanu PF ngoba yilo elikhanya limulwela.

please wait
Embed

No media source currently available

0:00 0:02:02 0:00
Lapho esitholakala khona


Ingcwethi ecubungula ezombusazwe, uMnu. Rejoice Ngwenya utshele iStudio 7 ukuthi udaba lukaMutambara lulakho ukuqhubeka lusegudwini umthethwandaba we Supreme uze uphe isingqumo.

please wait
Embed
muta
by VOA

No media source currently available

0:00 0:02:08 0:00
Lapho esitholakala khona
XS
SM
MD
LG