amalinks wokungena

Breaking News

Mwonzora: Angisoze Ngiphatheke kuPOLAD Lanxa Nginxuswe nguMongameli Mnangagwa Njalo uMaKhuphe Engalugxobi Ngingamphanga Imvumo


UNkosazana Thokozani Khuphe loMnu. Douglas Mwonzora
UNkosazana Thokozani Khuphe loMnu. Douglas Mwonzora

Isikhulumeli sikaMnu. Mwonzora, uMnu, Llyod Damba uthi uMnu. Mwonzora kasoze aphatheke kuPOLAD ngoba umthetho owasetshenziswa ukubumba lumanyano ungamvumeli, njalo uNkosazana Khuphe akufanelanga eqhubeke ekulumanyano engatholanga imvumo kubandla leMDC-T.

Umongameli Emmerson Mnangagwa usenikeze amalunga akumanyano we Political Actors Dialogue; POLAD, izimota ezilitshumi lasitshiyagalolunye ezohlobo lwe Isuzu D Max emkhosini oqhutshelwe eHarare izolo.

Ekhuluma kulumkhosi umongameli Mnangagwa uthe imota lezi zizasetshenziswa ukuqhuba inhlelo zalumanyano ezokuthuthukisa ilizwe. Umkhokheli webandla leNational Constitutional Assembly, uMnu. Lovemore Madhuku uthi wamukele imota le ngoba njengamalunga ePOLAD kufanele befinyelele indawo ezitshiyeneyo zelizwe befeza imisebenzi yabo.

Umongameli Mnangagwa uphinde wathi wanxusa umkhokheli webandla leMDC-T uMnu. Douglas Mwonzora ukuthi abuye kulumanyano njengoba sekunguye okhokhela lelibandla lanxa engancintisanga kukhetho lokudinga umongameli ngo 2018 njengamanye amalunga ePOLAD.

UNkosazana Thokozani Khuphe nguye owancintisa kulolukhetho njalo ubemele i-MDC T kuPOLAD. Asenelisanga ukukhuluma loNkosazana Khuphe ngaloludaba.

Isikhulumeli sikaMnu. Mwonzora, uMnu, Llyod Damba uthi uMnu. Mwonzora kasoze aphatheke kuPOLAD ngoba umthetho owasetshenziswa ukubumba lumanyano ungamvumeli, njalo uNkosazana Khuphe akufanelanga eqhubeke ekulumanyano engatholanga imvumo kubandla leMDC-T.

XS
SM
MD
LG