amalinks wokungena

Breaking News

UMwonzora Unqoba uMaKhupe Kukhetho Lukamongameli Webandla leMDC-T


Douglas Mwonzora

UMnu. Douglas Mwonzora usenqobe uNkosazana Thokozani Khupe kukhetho loludinga umongameli omutsha webandla leMDC-T.

Abanye abakhangele ukubalwa kwamavoti emhlanganweni oweMDC-T Extraordinary Congress owenziwe ngeSonto bathi uMwonzora ubekhokhela ngamavoti afika phose inkulungwane – 883. Bathi uMaKhupe ulamavoti efika phose ikhulu lamatshumi amabili – 118.

UMnu. Elias Mudzuri ulamavoti alitshumi lane – 14 kuthi uMnu. Morgan Komichi olaphansi kwetshumi – 9.

UMaKhupe osuke enkundleni yomhlangano lo eHarare utshele intathelizindaba ukuba uMwonzora uphekapheke impumela yokhetho lolu ngokuqila okwethusayo.

Ngakho-ke uMaKhupe uthe umhlangano lo kawusekho emthethweni njalo wasusa okwesikhatshana uMwonzora esikhundleni sikanobhala jikelele esithi uyangise ibandla leMDC-T.

UMaKhupe uphinde wathi uMwonzora ucatshangelwa ukuthi utshontshe imali yebandla leli.

Kodwa uMwonzora uthe kumele uMaKhupe achuma amelele impumela yokhetho lolu.

Uthe akwenzi ukuthi uMaKhupe amise umhlangano lo njalo amsuse esikhundleni njengoba bebencintisana kukhetho lukamongameli.

Facebook Forum

XS
SM
MD
LG