Ikolitshi leNational University of Science and Technology (NUST) seliqale umkhankaso wokufinyelela abafundi bakoBulawayo ukuthi bazekwenza izifundo ngobunengi, ngemva kokuqhuba uhlelo olufanayo ezabelweni zangeNingizimu leNyakatho yeMaNdebeleni.
Laloba ikholitshi leNUST lilezifundo zezinga eliphezulu zamaSciences kodwa lilazo ezigoqela ezeminye imisebenzi ezinjenge zamabhizimusi, ukuphathwa kwemali emabhanga, ezntathelizindaba lezinye.
Obona ngokwethulwa kwemibiko eNUST ,uNkosikazi Lindiwe Nyoni, uthe bananzelela ukuthi uBulawayo akala lwazi ngezifundo eziqhutshwa eNUST ngakho bayabukisa abakwenzayo emizameni yokuthi baxhumane labantu.
UMaNyoni uqhubeke ethi uhlelo lolu soluncede kakhulu abantwana abangafinyeleli ukuthi bayefika eNUST njalo abantwana balakho ukuthola indawo eNUST hatshi ukwesabela khatshana.
Osakhulayo umnumzana Peter Mugodi uthi uncendakele kakhulu ngoba ethole usizo abeludinga njalo wabona ukuthi laye ulakho ukuyithola indawo.
UNkosikazi Michelle Mwale uvumelane loMugodi ethi uthole ulwazi lokuthi yena engathola ithuba kuziphi izifundo.
Abasakhulayo bebephithizela bebuzisisa ukuthi bengangena njani eNUST njalo inengi lijabule kakhulu ukuthi bathole usizo abakade beludinga.
INUST yiyo yodwa iUniversity enikeza izifundo zeScience emhlubulweni weMaNdebeleni kodwa iminyaka eminengi kuhlala kugcwele abantu abavela ezabelweni zangeMpumalanga kwelizwe okusolisa uzulu kakhulu ethi uyabandlululwa.