amalinks wokungena

Breaking News

Nelson Chamisa: Abathi Bengangqotshwa Abasuki Bayazikhohliswa


Umbuthano weMDC Alliance eBeitbridge

UMongameli webandla eliphikisayo eleMDC-T uMnu Nelson Chamisa uthi kazihluphi ngembiko yamalunga ebandla leZanu PF ethi ibutho kalisoze livume ukuthi abuse esithi amandla okubusa asuka kuzulu hatshi kubutho. UChamisa ukhulume lamazwi eseBeitbridge emuthanweni wokukhankasela ukhetho ngoMgqibelo.

Loba nje belitshisa likhupha inhlanzi emanzini eBeitbridge akuzange kuvalelel uzulu ukubuya ngobunengi ukuzolalela umkhokheli weMDC Alliance uMnu Nelson Chamisa enkundlenin yeDulibadzimu.

Ekhuluma labalandeli beMDC Alliance abafika phose inkulungwane eziyisithupha uChamisa imbiko yokuthi ibutho alisoze livume ebusa ayimswelisi ubuthongo ngoba uzulu kunguye olamandla yokukhetha lo abamfunayo.

Amalunga eZanu PF abalisa umsekeli kamphathintambo wezemnotho uMnu. Terrence Mukupe kanye loJosiah Hungwe babike phambilini ukuthi ibutho ngeke livume uChamisa ethatha umbuso.

Kodwa uChamisa uthi ibutho leZimbabwe ngeke laphikisana lentando kazulu.

UChamisa uthi anganqoba ukhetho uzathuthukisa iBeitbridge libe lidolobho elikhanyayo ukuthi lingcelelane leSouth Africa.

USikhwicamfundo uWelshman Ncube uthi indubo ezibhekane leleZimbabwe sezifuna ukuthi zixazululwe ngabatsha abafana loChamisa.

Ilunga lebandla leMDC T eBeitbridge njalo ezancintisa kukhetho lamakhansila uMnu Morgan Ncube uthi ubunengi babantu abaze emhlanganweni walamhla kuveza ukuthi abantu balethemba lokuthi uChamisa uzaguqula impilo zabo.

Okhokhela abatsha eZansi yemaNdebeleni uNkosazana Lindiwe Maphosa uthi luyamangalisa usekelo abaluthole kuzulu wemaNdebeleni

UChamisa uthi anganqoba uzathuthukisa ezomnotho, ezempilakahle, ezemfundo kanye lemigwaqo ukuze eleZimbabwe lifana lamazwe anjenge South Africa.

please wait

No media source currently available

0:00 0:03:58 0:00

Facebook Forum

XS
SM
MD
LG