amalinks wokungena

Breaking News

Zanu PF: UNelson Chamisa Kazehlise Asebenzele Ilizwe leZimbabwe


Abalandeli bebandla leZanu PF ...

Abalandeli bebandla leZanu PF bathi kumele uMnu. Nelson Chamisa webandla leMDC azehlise asebenzelane lohulumende kaMongameli Emmerson Mnangagwa.

Abalandeli bebandla leli abakhulume leStudio 7 bathe kuzwisa usizi ukuthi ilizwe selibhekane lokugugudeka komnotho okumangalisayo uChamisa elokhu esithi nguye owanqoba kukhetho olwenziwa ngoNtulikazi lonyaka.

Kodwa-ke abasekeli baka Chamisa bathi uMnangagwa kumele asebenze nzima ukwenzela ukuthi athuthukise ilizwe ngemfanelo.

Abalandeli bebandla leMovement for Democratic Change elikhokhelwa nguMnu. Nelson Chamisa.
Abalandeli bebandla leMovement for Democratic Change elikhokhelwa nguMnu. Nelson Chamisa.

UMnu. Dingumuzi Phuthi, omele iBulilima West kudale lephalamende ekubandla leZanu PF, uthi uChamisa kumele enze njengesizalwane seZimbabwe esifuna ukubona ingqubekela phambili elizweni.

Uthi akuncedi ukuthi aqhubekele phambili esithi uMnangagwa kanqobanga ngemfanelo kukhetho olwenziwa ngoNtulikazi.

“Sifisa ukuthi ahlolisise akwenzayo … Asebenzele ilizwe leZimbabwe ukwenzela ukuthi umnotho welizwe uthuthuke.”

Ingxoxo Esiyenze LoMnu. Dingumuzi Phuthi
please wait

No media source currently available

0:00 0:07:08 0:00

Kodwa-ke isikhulumeli sikamongameli webandla leMDC, uDokotela Nkululeko Sibanda, uthi ilizwe lizaqhubeka libhidlika nxa uMnangagwa engavumanga ukuthi wanqotshwa kukhetho olwenziwa ngoNtulikazi lonyaka.

Ingxoxo Esiyenze LoDokotela Nkululeko Sibanda
please wait

No media source currently available

0:00 0:04:21 0:00

Facebook Forum

XS
SM
MD
LG