amalinks wokungena

Breaking News

Iqembu leZimbabwe Lilungiselela Imidlalo Emkhulu Yomncintiswano weNetball World Cup


FILE: AbeZimbabwe badlala ibhola lezandla kwele Botswana kumncintiswano weWorld Netball Tournament.
FILE: AbeZimbabwe badlala ibhola lezandla kwele Botswana kumncintiswano weWorld Netball Tournament.

Umncintiswano wokudlalela inkezo yamazwe womhlaba emdlalweni wokuqaga ibhola, oweNetball, uqala edolobheni leLiverpool kwele Bhilithane ngoLwesihlanu.

Iqembu labesifazane elimela iZimbabwe elibizwa ngokuthi ‘The Gems’ lifike ngeviki edluleyo, lamukelwa ngenjabulo ngabadabuka eZimbabwe abahlala eNgilandi.

Abantu emhlabeni jikelele babheke ngabomvu umncintiswano wamazwe womhlaba owenkezo eye 2019 Netball World Cup kukanti abeZimbabwe ngemva kokubhuqwa kweqembu labesilisa elenguqu elama Warriors kumncintiswano oseGibhithe, uzulu sethembe iqembu lama Gems ukuthi lenze ngcono.

UNkosazana Bongi Madzvamuse-Moyo ngomunye ophathisa iqembu leli ngokudinga imali yokubamceda kundleko zabo.

“Ngingomunye wabantu abasekela okumangalisayo amankazana ethu lawa avela eZimbabwe. Abantwana laba basifake emephini sibili. Siyazigqaja ngabo."

Uthi abadlali labo bafuna uncedo lokulondolozwa kuhle ngoba beligugu.

Abadabuka kwele Zimbabwe abahlala kuzwekazi leEurope bayacelwa ukuthi babukele imidlalo yeqembu leli ukwenzela ukuthi banqobe.

“Asiphumeni sonke ikakhulu labo abase United Kingdom kumbe abase duze le United Kingdom siyesekela iqembu lethu.”

Kuyafiwa ngoLwesihlanu ekuseni lapho iqembu lamaGems elidibana khona lele Sri Lank.

Iqembu leZimbabwe lisesibayeni sikaGroup A, umdlalo wakuqala lidlala leSri Lanka ngoLwesihlanu ekuseni. NgoMgqibelo lizangqikilana leqembu leAustralia. Kuthike ngeSonto livuthuzana lele Northen Ireland.

Amaqembu amathathu azaphuma ephezulu esibayeni sikaGroup A azadlulela esigabeni sesibili, kukanti iqembu eliqeda lingaphansi liyahle lilubhekise ekhaya.

'Sicela Lisekele Amankazana Adlala Kumncintiswano weNetball World Cup'
please wait

No media source currently available

0:00 0:03:22 0:00

XS
SM
MD
LG