Ukungavumelani kumanyano we MDC Aliance sokwenze ibandla leZanu PF lahle lathola izigaba lona ukhetho lungakaqali.
Esigabeni seMatabeleland South kubikwa kulabadinga ukuncintisa kusikhundla samakhansila abane abebandla leZanu PF, abangene bengela obaphikisayo okutsho ukuthi sebemelele ukufungiswa nje kuphela ukuthi babe ngama khansila.
Kuthi esigabeni se Insiza North obemele iZanu PF, uMnu. Farai Taruvinga uzangena edale ngoba eswele ozamphikisa.
Lokhu kubangelwe yikungezwani kwabe bandla leMDC-T elikhokhelwa ngumnu. Nelson Chamisa labanye babo abakumanyano we MDC Alliance.
Kwezinye izigaba sekulababili abamele umanyano weMDCAlliance abazancintisia sigaba sinye.
Sixoxe loMnu. Albert Mhlanga, omunye wabakade befuna ukuncintisa bemele umanyano we MDC Alliance kodwa wehluleka ngenxa yengxabangxoza ekumanyano lo.
Kunjalo nje, ukuhlaziya loludaba sixoxe lengcwethi ecubungula ezombusazwe, umnu. Effie Dlela Ncube.